काठमाडौं, असोज १३

कीर्तिपुरस्थित त्रिभुवन विश्वविद्यालयको मैदानमा भएको फाइनल खेलमा  सिप्रदी ग्र्पले नबिल बैंकलाई १० रनले हराउँदै  सेन्चुरी बैंक कर्पोरेट सुपर सिक्सेस क्रिकेट प्रतियोगिताको उपाधि जितेको छ ।

सिप्रदीका शैलेन्द्र म्यान अफ दि सिरिज भए ,उनले २४ इन्चको एलइडी पुरस्कार जिते भने सिप्रदीले अर्को बर्ष निशुल्क प्रतियोगितामा प्रवेश पाउनेछ ।

एसएस इभेन्ट्सले आयोजना गरेको प्रतियोगितामा बुधबार नै भएको सेमिफाइनलमा सिप्रदीले आइसिएफसीलाई २ रन तथा नबिल बैंकले सेन्चुरी बैंकलाई ६ विकेटले हराएको थियो ।

नबिलका अमिल उत्कृष्ट ब्याट्म्यान, सिप्रदीका चिन उत्कृष्ट बलर र सेन्चुरी बैंकका सुरज तिमल्सिना उन्कृष्ट फिल्डर चुनिए ।

कीर्तिपुरस्थित त्रिभुवन विश्वविद्यालयको मैदानमा पहिले बयाटिङ गरेको सिप्रदीले ५ ओभरमा ३ विकेट गुमाएर ७९ रन बनायो । टोलीका शैलेन्द्र नेपालीले ११ बलमा ३ छक्का र त्यत्तिनै चौकासहित अविजित ३१ रन बनाए । दीपेश श्रेष्ठले १९ रन थपे । जवाफमा नबिल बैंकले ४ विकेटको क्षेतिमा ६९ रनमात्र बनाउन सक्यो ।

अमित पोखरेलले १३ बलमा अविजित ४० रन बनाएपनि टोलीको हार टरेन । अमिले ३ छक्कार ४ चौका प्रहार गरे । म्यान अफ दि फाइनल चिरन थापाले ३ विकेट लिए । सिप्रदीर्लाइ जित दिलाउने क्रममा उनले मात्र ८ रन खर्चेका थिए ।