एजेन्सी – जसप्रति बुमराह र ट्रेन्ट बोल्टले ७ विकेट लिएपछि मुम्बई इण्डियन्सले इन्डियन प्रिमियर लिग (आइपिएल) आज लखनउ सुपर जायन्ट्सलाई ५४ रनले हराएको छ।

जितसँगै मुम्बई अंक तालिकाको दोस्रो स्थानमा पुगेको छ।‌२ सय १६ रनको लक्ष्य पछ्याएको लखनउले २० ओभरमा सबै विकेट गुमाएर १ सय ६१ रन मात्र बनाउन सक्यो।

लखनउका लागि आयुष बोधानीले सर्वाधिक ३५ रन जोडे। मुम्बईका बुमराहले ४ र बोल्टले ३ विकेट लिए।

त्यसअघि ओपनर रायन रिकोन्टन र सूर्यकुमार यादवको अर्धशतकमा मुम्बई इण्डियन्सले ७ विकेट नोक्सानीमा २ १५ रन बनाएको थियो।

लेखनउले टस जितेर फिल्डिङ रोजेको थियो। पछिल्ला खेलमा उत्कृष्ट प्रदर्शन गरिरहेका ओपनर रोहित शर्मा १२ रन बनाएर आउट भए ‌। अर्का ओपनर रायनले टोलीका लागि सर्वाधिक ५८ र सूर्य कुमारले ५४ रनको योगदान दिए।

रायनले ३२ बलमा ६ चौका र ४ छक्का तथा सूर्यकुमारले २८ बलमा समान ४ छक्का र चौका प्रहार गरे। विल ज्याक्सले २९, निमन धिरले २५, कर्विन बोस्चले २० रन जोडे।

लखनउका मयंक यादव र आभेष खानले समान २ तथा प्रिन्स यादव, दिगवेश राठ्ठी र रवि विष्नोईले समान १ विकेट लिए।
मुम्बईको १२ अंक पुगेको छ। १० अंकका साथ लखनउ छैटौं स्थानमा छ।