एजेन्सी – रोयल च्यालेन्जर्स बैंगलुरु (आरसिबी) ले इन्डियन प्रिमियर लिग (आइपिएल) मा आज सहज जित हासिल गरेको छ।

आरसिबीले राजस्थान रोयल्स (आरआर) लाई ९ विकेटले हराउँदै अंक‌तालिकाको तेस्रो स्थानमा उक्लिएको छ।

१ सय ७४ रनको लक्ष्य पछ्याएको आरसिबीले १५ बल‌अघि‌ एक मात्र विकेट गुमाएर विजय प्राप्त गर्यो।

ओपनर फिल साल्ट र विराट कोहलीले पहिलो विकेटका लागि ९२ रनको साझेदारी गर्दै जितको आधार तयार पारे। कोहली र देवदत्त पडिकलले दोस्रो विकेटका लागि ८३ रनको अविजित साझेदारी गरे।

साल्टले ३३ बलमा ५ चौका र ६ छक्कासहित टोलीका लागि सर्वाधिक ६५ रन बनाए । कोहलीले ४५ बलमा ४ चौका र २ छक्काका साथ ६२ रन जोडे ।

पडिकलले २८ बलमा ५ चौका र १ छक्कासहित ४० रन जोडे। आरआरका लागि एक मात्र विकेट कुमार कार्तिकेयले लिए ।

त्यसअघि टस हारेर ब्याटिङको निम्तो पाएको आरआरले यशस्वी जैसवालको अर्धशतकसँगै ४ विकेटको नोक्सानीमा १ सय ७३ रन बनाएको थियो।

जैसवालले ४७ बलमा १० चौका र २ छक्काका साथ ७५ रन जोडे। सन्जु सामसनले १५, रियान परागले ३०, ध्रुब जुरेलले ३५ रन बनाए।

आरसिबीका भुवनेश्वर कुमार, यश दयालु, जोस हज्लेवड र क्रुनाल पाण्ड्याले समान १ विकेट लिए।

६ खेलमा‌ चौथो जित निकाले आरसिबी ८ अंकसहित तेस्रो स्थानमा पुगेको छ। समान खेलमा ४ अंकसहित आरआर सातौं स्थानमा छ।