एजेन्सी – इण्डियन प्रिमियर लिग (आइपिएल) मा आज राजस्थान रोयल्ससँगक खेलमा रोयल च्यालेन्जर्स बैंगलुरु (आरसिबी) ले टस जितेको छ।

आरसिबीले टस जितेर फिल्डिङ रोजेको छ।जयपुरस्थित सवाई मानसिंह स्टेडियममा हुने जारी आइपिएलको २८ औं खेल हो।

राजस्थानले सुरुवाती २ खेल हारेको थियो। त्यसपछि चेन्नई सुपर किंग्स र पञ्जाब किंग्स विरुद्ध लगातार २ जित निकाल्दै लयमा फर्केको संकेत गरेको थियो।

पछिल्लो खेलमा भने गुजरात टाइटन्ससँग अहमदाबादमा ५८ रनको हार बेहोरेको थियो। कप्तान सञ्जु सामसनको नेतृत्वमा रहेको टोली आजको खेलमा पुनः जितको लय सामाउने प्रयास गर्नेछ।

आरसिबी ५ खेलमा ३ जित र २ हारसहित अंक तालिकाको चौथो स्थानमा छ। दिल्ली क्यापिटल्ससँग घरेलु मैदानमा ६ विकेटको हार बेहोरेपछि आज जितको खोजीमा हुनेछ। पछिल्लो हारमा भने आरसिबीले ब्याटिङमा निकै संघर्ष गरेको थियो।

राजस्थान ४ अंकसहित सातौं स्थानमा छ। दुवैले आज छैटौं खेल खेल्दैछन्। यसअघि यी दुई टिमबीच ३२ पटक प्रतिस्पर्धा भएको छ। जहाँ राजस्थानले १४ र आरसिबीले १५ खेल जितेको छ। ३ खेलमा नतिजा विहिन रह्यो ।

आजै हुने दोस्रो खेलमा भने दिल्ली क्यापिटल्स र मुम्बई इण्डियन्सबीच हुनेछ।