3 days ago
March 31, 2025
एजेन्सी – इण्डियन प्रिमियर लिग(आइपिएल) मा आज मुम्बई इण्डियन्स र कोलकाता नाइट राइडर्स खेल्दैछन् ।
मुम्बईको घरेलु मैदान वान्खडे अन्तर्राष्ट्रिय क्रिकेट स्टेडियममा खेल नेपाली समय अनुसार राति ७ः४५ बजे सुरु हुनेछ। दुवै टोलीको यो तेस्रो खेल हो ।
कोलकाता २ खेलमा १ जित र १ हारका साथ अंक तालिकाको छैंटौं स्थानमा छ । रोयल च्यालेन्जर्स बेंगलुरुसँगको पराजित भएको कोलकाताले राजस्थान रोयल्सलाई हराएको थियो ।
मुम्बई दुवै खेलमा पराजित भएको थियो । अंक बिहिन मुम्बई तालिकाको पुछारमा छ । जारू आइपिएलमा अंक बिहिन मुम्बई एक्लो टोली हो । आज घरेलु मैदानमा पहिलो अंक बटुल्ने लक्ष्यमा मुम्बई रहेको छ ।
कप्तान हार्दिक पाण्ड्याको शब्दमा भन्ने हो भने, मुम्बईको शीर्ष क्रम अझै लयमा आएको छैन । मुम्बईले एउटा खेलमा १ सय ५५ र अर्को खेलमा १ सय ६० रन मात्र बनाएको थियो। शनिवार गुजरात टाइटन्सविरुद्धको खेलमा मुम्बईले फिल्डिङमा पनि धेरै गल्ती गरेको थियो ।
बुमराहको अनुपस्थितिमा मुम्बईका नयाँ बलमा ट्रेन्ट बोल्ट र दीपक चाहरले पावरप्लेमा एक विकेट मात्र लिएका छन् । सिनियर ब्याट्सम्यानहरू विशेष गरी रोहित शर्माबाट रन नआउनुले मुम्बईका समर्थकलाई निराश बनाएको छ ।
मुम्बईको तुलनामा कोलकातासँग चिन्ता गर्नुपर्ने धेरै विषय छैनन् । राजस्थान रोयल्सविरुद्धको पछिल्लो खेलका लागि अस्वस्थ रहेका सुनिल नारायणबिना पनि गुवाहटीको स्लो ट्रयाकमा कोलकाताले राम्रो प्रदर्शन गरेको थियो ।
यो खेलका लागि नारायण शतप्रतिशत फिट रहेका छन् । राजस्थान र बेंगलुरुविरुद्ध ब्याट्सम्यानहरुले राम्रो प्रदर्शन गरे । तर, बलिङमा भने केही समस्या रहेको छ । तर, कोलकाताको बलिङ मुम्बईको तुलनामा धेरै शक्तिशाली र राम्रो देखिन्छ ।
कोलकाताका लागि अघिल्लो सिजनमा दोस्रो सर्वाधिक विकेटकर्ता बनेका आन्द्रे रसेलले अझै बलिङ गर्नुपरेको छैन । यो आइपिएलमा वान्खेडेमा यो पहिलो खेल हो । यो खेलमा ओसले ठूलो भूमिका खेल्ने अपेक्षा गरिएको छैन । टस जित्ने टोलीले बलिङ गर्दा फाइदा हुन सक्छ ।
आइपिएलमा हालसम्म कोलकाता र मुम्बई ३४ पटक आमने सामने भएका छन् । जसमा मुम्बईले २३ र कोलकाताले ११ पटक जितेको छ। वान्खेडेमा मुम्बईले ९ खेल जित्दा कोलकाता मात्र २ खेलमा विजयी भएको छ ।
April 2, 2025
एजेन्सी – गुजरात टाइटन्सले इण्डियन प्रिमियर लिग (आइपिएल) मा रोयल च्यालेन्जर्स बेंगलुरुलाई पराजित गरेको छ । बेंगलुरुको घरेलु मैदानमा बुधवार गुजरात ८ विकेटले विजयी भएको हो । बेंगलुरुले दिएको १ सय ७० रनको लक्ष्य गुजरातले १७.५ ओभरमा २ विकेट गुमाएर पूरा गर्यो । गुजरातको लगातार दोस्रो जितमा जोस बटलरले अविजित रहँदै सर्वाधिक ७३ रन जोडे […]
April 2, 2025
एजेन्सी – इण्डियन प्रिमियर लिग (आइपिएल) मा रोयल च्यालेन्जर्स बेंगलुरुले गुजरात टाइटन्सविरुद्ध प्रतिस्पर्धात्मक योगफल तयार गरेको छ । एम चेन्नास्वामी अन्तर्राष्ट्रिय क्रिकेट स्टेडियममा टस हारेर ब्याटिङको निम्तो पाएको घरेलु टोली बेंगलुरुले निर्धारित २० ओभरमा ८ विकेट गुमाएर १ सय ६९ रन बनाएको छ। बेंगलुरुका लागि लियम लिभिङ्स्टोनले ४० बलमा १ चौका र ५ छक्काको सहयोगमा […]
April 2, 2025
एजेन्सी – इण्डियन प्रिमियर लिग (आइपिएल) मा आज रोयल च्यालेन्जर्स बेंगलुरुविरुद्ध गुजरात टाइटन्सले टस जितेको छ । बेंगलुरुको घरेलु मैदान एम चेन्नास्वामी अन्तर्राष्ट्रिय क्रिकेट स्टेडियममा गुजरातका कप्तान शुभमन गिलले टस जितेर बलिङ रोजेका हुन् । लगातार दुई जित निकालेको बेंगलुरु सिजनमा घरेलु मैदानमा पहिलो खेल खेल्दैछ । बेंगलुरुले पहिलो खेलमा कोलकातालाई उसकै घरेलु मैदानमा पराजित […]