एजेन्सी – इण्डियन प्रिमियर लिग(आइपिएल) मा आज राजस्थान रोयल्स र कोलकाता नाइटराइडर्स खेल्दैछन् ।

राजस्थानको दोस्रो घरेलु मैदान गुवाहाटीमा नेपाली समय अनुसार राति ७ः४५ बजे खेल सुरु हुनेछ । गुवाहाटी सन् २०२३ देखि राजस्थानको लागि कहिलेकाहीं घरेलु मैदानको रुपमा प्रयोगमा आउने गरेको छ ।

गुवाहाटीको यो मैदान राजस्थानका कप्तान रहेका रियान परागको घरेलु मैदान समेत हो । एकअर्काको सामना गर्दा दुवै टोली पहिलो जितको खोजीमा हुनेछन् ।

आफ्नो पहिलो खेलमा कोलकाता रोयल च्यालेन्जर्स बेंगलुरुसँग र राजस्थान सनराइजर्स हैदराबादसँग पराजित भएको थियो ।

राजस्थानले गुवाहाटीमा यसअघि खेलेका ३ मध्ये २ खेलमा हार बेहोरेको छ । चौथो खेलमा भने वर्षाका कारण रद्द भएको थियो । आज हुने खेल केही फरक रहने छ । घरेलु मैदानमा परागले राजस्थानको कप्तानी गर्नेछन् ।

तर परागले सोच्नुपर्ने धेरै कुरा छ, अझ राजस्थानले सनराइजर्स हैदरावादविरुद्ध आइपिएलमा अहिलेसम्मकै उच्च स्कोर भन्दा १ कम रन खर्चिएको थियो । सन्जु स्यामसन, ध्रुव जुरेल र शिमरोन हेटमायरको लगायत खेलाडीको ब्याट चले पनि अरुको ब्याटिङ सुस्त नै रह्यो । राजस्थानका बलरहरुको प्रदर्शन पनि निराशाजनक थियो।

राजस्थान पछिल्लो तीन सिजन मध्ये दुईमा समान टिम ब्यालेन्सको साथ प्लेअफमा पुगेको थियो ।

डिफेन्डिङ च्याम्पियन कोलकातासँग धेरै राम्रा अलराउण्डरको बाहुल्यता छ । बेंगलुरुविरुद्ध सिजनको पहिलो खेलमा हार बेहोरेपनि सन् २०२४ को लयबाट कोलकाताले फेरि भेट्टाउन सक्छ।

नितिश राणा २०१८ देखि २०२४ सम्म कोलकाताको महत्वपूर्ण हिस्सा थिए । नितिशले कोलकाताका लागि २ हजार १ सय ९९ रन बनाएका छन् । टोलीको उपकप्तान भएपछि उनी कोलकाताको सिनियर खेलाडी रहेका थिए ।

कोलकाताले गत सिजनको उपाधिपछि रिटेन गरेका ६ खेलाडीको सुचीमा नितिश अटाउन सकेनन् । र, राजस्थानले मेगा अक्सनमा ४.२० करोड भारुमा उनलाई टोलीमा अनुबन्ध गरेको थियो ।

राजस्थानको प्लेईङ-११ मा हसारंगा फर्कने सम्भावना

औंलाको शल्यक्रियापछि निको भएका स्यामसन फेरि राजस्थानका भावशाली खेलाडी बन्ने भएका छन् । जोफ्रा आर्चरले हैदराबादविरुद्ध ७६ रन खर्चेर विकेट लिन नसकेपनि उनलाई टिमबाट बाहिर राख्ने सम्भावना कम छ ।

तर, योर्कर बलिङ क्षमताका लागि आकाश माधवाललाई टोलीमा भित्र्याउने सम्भावना छ । महेश थिक्सेनाको ठाउँ हसारंगाले लिने सम्भावना छ ।

कोलकाताले उही प्लेइङ-११ का साथ उत्रने सम्भावना

कोलकाताका कप्तान अजिक्या राहाणेले शनिवारको हारपछि अनुभवहीन भए पनि आफ्नो तीव्र गतिको बलिङ युनिटलाई विश्वास गर्ने बताएका छन् ।

स्पेन्सर जोनसनको सम्भावित विकल्प एनरिच नोर्टजे हुनसक्छन् । तर, कोलकाताको प्लेइङ-११ यस खेलमा परिवर्तित नगर्ने सम्भावना छ ।