एजेन्सी – हसन नवाजको शतकमा पाहुना टोली पाकिस्तानले तेस्रो टि ट्वान्टी आईमा न्युजिल्यान्डलाई हराएको छ ।

पाकिस्तानले शुक्रवार ९ विकेटको जित हात पार्यो । जितसॅंगै ५ खेलको टि ट्वान्टी आई सिरिजमा पाकिस्तान २-१ मा पुर्याएको छ । २ सय ५ रनको लक्ष्य पाकिस्तानले १६ ओभरमा १ विकेट गुमाएर पूरा गर्यो ।

पाकिस्तानको जितमा नवाजले नट आउट रहॅंदै सर्वाधिक १ सय ५ रन जोडे । न्युजिल्याण्डसॅंगको पहिलो खेलमा टि ट्वान्टी आईमा डेब्यु गरेका नवाजले ४४ बलमा पहिलो शतक पूरा गरे । उनले ४५ बलको सामना गरेर १० चौका र ७ छक्का प्रहार गरे ।

कप्तान सलमान आगाले ३१ बलमा ६ चौका र २ छक्काको सहयोगमा नट आउट ५१ रन जोडे । मोहम्मद हरिसले २० बलमा ४ चौका र ३ छक्काको सहयोगमा ४१ रन बनाए । न्युजिल्याण्डका लागि ज्याकोब डफीले १ विकेट लिए ।

अकल्याण्डस्थित इडन पार्कमा टस हारेर पहिले ब्याटिङ गरेको न्युजिल्याण्ड १९.४ ओभरमा २ सय ४ रनमा बनाएको थियो ।

न्युजिल्याण्डका लागि मार्क च्याम्पम्यानले सर्वाधिक ९४ रन जोडे । उनले ४४ बलमा ११ चौका र ४ छक्का प्रहार गरे । कप्तान माईकल ब्रेसवेलले १८ बलमा ३ चौका र २ छक्काको सहयोगमा ३१ रन जोडे ।

ओपनर टिम साईफर्ट ९ बलमा १ चौका र २ छक्काको सहयोग १९ रन बनाउॅंदै आउट भए । ड्यारियल मिचेल १७ तथा इश सोडी १० रनमा आउट भए ।

पाकिस्तानका लागि हरिस रउफले ३, अबरार अफ्रिदी, शाहीन शाह अफ्रिदी र अब्बास अफ्रिदीले समान २ तथा सादाब खानले १ विकेट लिए । चौथो टि ट्वान्टी आई खेल आइतवार हुनेछ ।