एजेन्सी – घरेलु टोली न्युजिल्याण्डले पाकिस्तानमाथि लगातार दोस्रो टि ट्वान्टी आईमा पराजित भएको छ ।

मंगलवार भएको ५ खेलको टि ट्वान्टी आईको दोस्रो खेलमा न्युजिल्याण्डले ५ विकेटको जित हात पारेको छ । लगातार दोस्रो जितका साथ न्युजिल्याण्डले सिरिजमा २-० को जित हात पारेको पहिलो टि ट्वान्टी आईमा न्युजिल्याण्ड ९ विकेटले विजयी भएको थियो ।

बर्षाका कारण खेल १५ ओभरमा छोट्याइएको थियो । पाकिस्तानले दिएको १ सय ३६ रनको लक्ष्य न्युजिल्याण्डले १३.१ ओभरमा ५ विकेट गुमाएर पूरा गर्यो । न्युजिल्याण्डका लागि टिम साइफर्टले सर्वाधिक ४५ रन जोडे । उनले २२ बलको सामना गर्दै ३ चौका र ५ छक्का प्रहार गरे ।

फिना एलेनले १६ बलमा १ चौका र ५ छक्काको सहयोगमा ३८ रन जोडे । मिचेल हायले १६ बलमा १ चौका र १ छक्काको सहयोगमा २१ रन जोडे । ड्यारियल मिचेल १४ रनमा आउट भए ।

पाकिस्तानका लागि हरिस रउफले २ तथा जहादद खान, मोहमम्द अलि र खुसदिल शाहले समान १ विकेट लिए ।

त्यसअघि दुनेदिनस्थित युनिभर्सिटी ओभलमा टस हारेर ब्याटिङको निम्तो पाएको पाकिस्तानले निर्धारित १५ ओभरमा ९ विकेट गुमाएर १ सय ३५ रन जोडेको थियो ।

पाकिस्तानका लागि सलमान आगाले सर्वाधिक ४६ रन जोडे । उनले २८ बलको सामना गर्दै ४ चौका र ३ छक्का प्रहार गरे । सादाब खानले १४ बलमा २ चौका र २ छक्काको सहयोगमा २४ रन जोडे । शाहिन शाह अफ्रिदी १४ बलमा २ चौका र १ छक्काको साथ २२ रनमा नट आउट रहे ।

इफान खान, मोहम्मद हरिस र अब्दुल समाद समान ११ रनमा आउट भए । न्युजिल्याण्डका लागि ज्याकोब डफी, जिम्मी निशम, इश सोडी र बेन सेयर्सले समान २ विकेट लिए ।

दुई देशबीचको तेस्रो टि ट्वान्टी आई शुक्रवार रहेको छ ।