8 hours ago
March 17, 2025
एजेन्सी – दक्षिण अफ्रिकाका अलराउन्डर कोर्बिन बोसले पाकिस्तान सुपर लिग (पिएसएल) छाडेर इण्डियन प्रिमियर लिग (आइपिएल) २०२५ खेल्ने निर्णय लिएसँगै उनी कानुनी झमेलामा पर्ने भएका छन् ।
बोस आइपिएलमा मुम्बई इन्डियन्समा अनुबन्ध भएसँगै पाकिस्तान क्रिकेट बोर्ड (पिसिबी) ले उनीविरुद्ध कानुनी नोटिस जारी गरेको हो ।
बोसलाई पेशावर जाल्मीले जनवरीमा भएको पिएसएलको ड्राफ्टमा डायमन्ड विधामा छनोट गरेको थियो । तर, मार्च ८ मा मुम्बई इन्डियन्सले घाइते लिजार्ड विलियम्सको स्थानमा बोसलाई टोलीमा अनुबन्ध गरेको घोषणा गर्यो ।
यो सिजनको पिएसएल र आइपिएल एकै समयमा हुँदैछ । आइपिएल मार्च २२ देखि मे २५ सम्म र पिएसएल अप्रिल ११ देखि मे १८ सम्म चल्नेछ ।
पिएसएलले अन्य खेलाडी पनि पिएसएलमा अनुबन्ध हुने र त्यसपछि अन्य लिगमा स्थानान्तरण हुने उदाहरण स्थापित गर्न सक्ने डरले यो कदम चाल्न अघि सरेको आंकलन गरिएको छ ।
अनौपचारिक छलफलमा पिएसएलका अन्य फ्रेन्चाइजीले यस्ता खेलाडीमाथि पूर्ण प्रतिबन्ध लगाउने प्रस्ताव अघि सारेका छन् ।
‘कानुनी नोटिस उनका एजेन्टमार्फत दिइएको थियो र खेलाडीलाई आफ्नो व्यावसायिक प्रतिवद्धताबाट पछि हट्ने आफ्नो कार्यलाई न्यायोचित ठहराउन भनिएको छ,’ पिसिबीले जारी गरेको विज्ञप्तिमा भनिएको छ , ‘पिसिबी व्यवस्थापनले पनि उनको लिगबाट बहिर्गमनको परिणामको रूपरेखा प्रस्तुत गरेको छ । निर्धारित समय सीमाभित्र उनको प्रतिक्रियाको अपेक्षा गरेको छ ।’
आइपिएलको लिलामी नोभेम्बर २०२४ मा र पिएसएलको ड्राफ्ट जनवरी २०२५ मा भएको थियो ।
पिएसएलको ड्राफ्टमा डेभिड वार्नर, डेरिल मिचेल, जेसन होल्डर, रासी भान डेर डुसेन र केन विलियम्सनजस्ता चर्चित खेलाडीलाई समावेश गरिएको थियो ।
March 17, 2025
काठमाडौं(हाम्रो खेलकुद) – त्रिभुवन आर्मी क्लबले प्रधानमन्त्री (पिएम) कप पुरुष एकदिवसीय राष्ट्रिय प्रतियोगितामा एपिएफ क्लबलाई हराउँदै लगातार पाँचौ जित निकालेको छ । विभागीय डर्बीमा सोमवार आर्मीले एपिएफलाई ३ विकेटले पराजित गर्यो । १ सय ४२ रनको लक्ष्य आर्मीले ४२.५ ओभरमा ७ विकेट गुमाएर पूरा गर्यो । आर्मीको जितमा कुशल मल्लले नट आउट रहँदै सर्वाधिक ३१ […]
March 17, 2025
काठमाडौं(हाम्रो खेलकुद) – ललितनारायण राजवंशीको ६ विकेटमा साविक विजेता नेपाल पुलिस क्लब प्रधानमन्त्री (पिएम) कप पुरुष एकदिवसीय राष्ट्रिय प्रतियोगितामा लगातार पाँचौ जित हात पारेको छ । पुलिसले सोमवार सुदूरपश्चिम प्रदेशलाई ६१ रनले पराजित गरेको हो । १ सय ६१ रनको लक्ष्य पछ्याएको सुदूरपश्चिम २८.३ ओभरमा ९९ रनमा समेटियो । सुदूरपश्चिमका लागि शेर मल्लले ३७ बलमा […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध जित निकालेको छ । सोमवार दाङमा भएको खेलमा लुम्बिनीले मधेशमाथि ८३ रनको जित हात पारेको हो । लुम्बिनीले दिएको १ सय ५९ रनको मध्यम लक्ष्य पछ्याएको मधेश २६.५ ओभरमा ७५ रनमा समेटियो । मधेशका लागि दीपेश दासले सर्वाधिक २३ रन जोडे । […]
