8 hours ago
March 16, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री (पिएम) एकदिवसीय राष्ट्रिय क्रिकेट प्रतियोगिता २०२५ मा बागमती प्रदेशलाई हराएको छ ।
आइतवार दाङमा भएको खेलमा लुम्बिनीले बागमतीमाथी ४८ रनको जित हात पारेको हो । लुम्बिनीले दिएको १ सय १६ रनको लक्ष्य पछ्याएको बागमती २२.५ ओभरमा ६७ रनमा समेटियो । बागमतीका लागि कप्तान पुथु बास्कोटाले सर्वाधिक १५ रन जोडे । उनले २५ बलको सामना गर्दै २ चौका प्रहार गरे ।
आशुतोष घिरैया र सुमन सुनार समान ११ रनमा आउट भए । बागमतीका अन्य ब्याटरले दोहोरो अंकमा रन जोड्न सकेनन् । लुम्बिनीका लागि अजय चौहान र विप्रेशन केसीले समा ३ तथा रमेश कुर्मी र निर्मल गुरुङले समान २ विकेट लिए ।
त्यसअघि लमहिस्थित देउखुरी क्रिकेट रंगशालामा टस जितेर पहिले ब्याटिङ गरेको लुम्बिनी प्रदेश ३२.४ ओभरमा १ सय १५ रनको योगफलमा समेटिएको थियो ।
लुम्बिनीका लागि आकाश त्रिपाटीले सर्वाधिक ३३ रन जोडे । उनले ५३ बलको सामना गर्दै १ छक्का प्रहार गरेका थिए । कप्तान देव खनाल र मनिष थापा समान १५ रनमा आउट भए । अन्य लुम्बिनीका ब्याटरले दोहोरो अंकमा रन जोड्न सकेनन् ।
बागमतीका लागि गौतम केसीले ४, सुर्य तामाङ र इशान पाण्डेले समान २ तथा सोनु देवकोटा र रिजन ढकालले समान १ विकेट लिए । जितसँगै ४ खेलमा तेस्रो जित हासिल गरेको लुम्बिनी तेस्रो स्थानमा छ ।
चौथो खेलमा तेस्रो हार बेहोरेको बागमती नवौं स्थानमा छ । १० टोली सहभागिता रहेको प्रगियोगिता सिङ्गल राउण्डमा हुनेछ । लिग चरणको खेलमा शीर्ष २ मा रहने टोलीका बीचमा फाइनल हुनेछ ।
March 16, 2025
काठमाडौं(हाम्रो खेलकुद) – नेपाल एपिएफ क्लबले प्रधानमन्त्री (पिएम) एकदिवसीय राष्ट्रिय क्रिकेट प्रतियोगिता २०२५ मा आज कर्णाली प्रदेशलाई हराएको छ । एपिएफले कर्णालीलाई ५ विकेटले पराजित गर्यो । १ सय ९० रनको लक्ष्य एपिएफले ३९.२ ओभरमा ५ विकेट गुमाएर पूरा गर्यो । एपिएफको जितमा दिपक बोहोराले नट आउट रहँदै ६७ बलमा ८ चौका र ४ छक्कासहित […]
March 16, 2025
काठमाडौं (हाम्रो खेलकुद) – युगाण्डामा जारी वुमेन्स डे टि ट्वान्टी आई सिरिजको तेस्रो स्थानका लागि नेपाल र हङकङबीचको खेल वर्षाका कारण रद्द भएको छ । नेपाली समय अनुसार आइतवार दिउँसो १२ः४५ बजे सुरु हुनु पर्नेमा भारी वर्षाका कारणका टस समेत हुन नसकी खेल रद्द भएको हो । लिग चरणमा हङकङ तेस्रो र नेपाल चौथो स्थानमा […]
March 16, 2025
काठमाडौं(हाम्रो खेलकुद) – गण्डकी प्रदेशले आज प्रधानमन्त्री (पिएम) एकदिवसीय राष्ट्रिय क्रिकेट प्रतियोगिता २०२५ मा लज्जास्पद हार बेहोरेको छ। जारी पिएम कपमा पहिलो जित निकाल्ने क्रममा कोशी प्रदेशले गण्डकीलाई ९ विकेटले पराजित गर्यो । ३२ रनको झिनो लक्ष्य कोशीले ८.२ ओभरमा १ विकेट गुमाएर पूरा गर्यो । कोशीका लागि सकिब हकले नट आउट रहँदै २२ बलमा […]