काठमाडौं (हाम्रो खेलकुद) – नेपाल क्रिकेट संघ (क्यान) ले यो पटक बर्षभरि नै महिला क्रिकेटलाई चलायमान बनाउने योजना अनुरूप महिला क्रिकेटलाई प्राथमिकतामा राखेको जनाएको छ।

क्यानले शनिवार सन् २०२५ को‌ वार्षिक क्यालेण्डर सार्वजनिक गरेको हो । जसमा महिला पुरुष सिनियर जुनियर गरेर प्रतियोगिता र अन्यगरि ५५ वटा कार्यक्रम समावेश गरिएको‌ छ ।

तुलनात्मक रूपमा यो पटक महिलाहरूले खेल्ने अन्तराष्ट्रिय प्रतियोगिताको सङ्ख्या पनि बृद्धि भएको छ।

प्रतियोगिताको सङ्ख्या मात्र वृद्धि भएको हो या सपोर्ट स्टाफ लगायतको सुविधाको बारे क्यानको योजना कस्तो छ भन्ने प्रश्नमा सचिव खड्काले विदेशी प्रशिक्षक लगायत सपोर्ट स्टाफ सबै बृद्धि हुने जानकारी दिए।

महिला टिमको राष्ट्रिय र अन्तरराष्ट्रिय तालिका यस्तो छ।

महिला अन्तर्राष्ट्रिय क्रिकेट

• २ हप्ताको फिटनेस र फिल्डिङ क्याम्प (फेब्रुअरी)
• नेपाल युगाण्डा भ्रमण (टी-२०आई, युगाण्डा क्वाड्राङ्गुलर) (मार्च)
• आईसीसी महिला टी-२० विश्वकप एसिया छनोट (मे १७-२४) – थाइल्याण्ड, हङकङ, यूएई, कुवेत, मलेसिया, नेपाल, कतार
• महिला इमर्जिङ टिम्स एसिया कप (थाइल्याण्ड) (जुन)
• नेपाल महिला टोलीको श्रीलंका भ्रमण (प्रस्तावित) (अक्टोबर)

• नेपाल महिला टोलीको युगाण्डा, नामिबिया, नेदरल्यान्ड्सविरुद्ध सिरिज (नेपालमा) (नोभेम्बर)

महिला घरेलु क्रिकेट

• पिएम कप (जनवरी १४-२५)
• १०औं राष्ट्रिय खेलकुद (मे १७-२६)
• महिला एलिट कप (५० ओभर) (सेप्टेम्बर)

महिला यु-१९ क्रिकेट

• आईसीसी यु-१९ महिला क्रिकेट विश्वकप (फेब्रुअरी)
• राष्ट्रिय विद्यालय च्याम्पियनसिप (अप्रिल)
• यु-१९ विद्यालय च्याम्पियनसिप (सेप्टेम्बर)