काठमाडौं(हाम्रो खेलकुद) – प्रधानमन्त्री कप (पिएम) एकदिवसीय पुरुष राष्ट्रिय क्रिकेट प्रतियोगिताका लागि कोशी प्रदेश टोलीको घोषणा भएको छ ।

कोशी प्रदेश क्रिकेट संघले बिहीवार अंकित सुवेदीको कप्तानीमा १५ सदस्यीय टोलीको घोषणा गरेको हो ।

टोलीमा सबैभन्दा बढी मोरङका ५ खेलाडी छन् । मोरङबाट दिपेश कडेल, फिर्दोस अन्सारी, चिराग शाह, सकिब हक र श्रवण किस्कू रहेका छन्

त्यस्तै, झापाबाट कप्तान अंकितसहित ४ खेलाडी छन् । सुजन थपलिया, विपिनकुमार महतो र समिर कार्की झापाका हुन् ।
सुनसरीबाट ३ खेलाडी रहेका छन् । भूपाल लुइँटेल, प्रकाश कार्की र सुमन गहतराज सुनसरीका हुन् ।
त्यस्तै, उदयपुरबाट आइस भट्टराई र सोनु अन्सारी छन् भने इलामबाट सन्दीप ढुंगाना कोशी प्रदेशको टोलीमा परेका छन् ।
टोलीको प्रशिक्षकमा राजकुमार प्रधान छन् भने व्यवस्थापकमा शिबु बुढाथोकी र फिजियोमा प्रदिप पाण्डे रहेका छन् ।

पिएम कप आइतवार सुरु हुदैछ । पहिलो पटक प्रतियोगिताका सबै खेल काठमाडौं बाहिर हुँदैछ । यसपटक लुम्बिनी प्रदेशका ३ क्रिकेट मैदानमा पिएम कपका खेल हुनेछन् ।

प्रतियोगिताका खेलहरु रुपन्देहीका २ तथा दाङमा रहेको १ क्रिकेट मैदानमा हुदैछ ।

कोशी प्रदेशको पहिलो खेल उद्धघाटनको दिननै लुम्बिनी प्रदेशसँग भैरहवामा रहेको सिद्धार्थ क्रिकेट मैदानमा हुनेछ ।

प्रतियोगितामा ७ प्रदेश र ३ विभागीय टोली सहित १० टिमको सहभागिता रहेको छ । सिङ्गल राउण्ड रोबिनका आधारमा हुने प्रतियोगिताको शीर्ष २ टोलीले फाइनल खेल्नेछन् ।

कोशी क्रिकेट टोली

अंकित सुवेदी(कप्तान), सुजन थपलिया, दिपेश कडेल, सन्दिप ढुङ्गाना, आईस भट्टराई, सुमन गहतराज, समिर कार्की, प्रकास कार्की, भुपाल लुईटेल, फिर्दोस अन्सारी, विपिन महतो श्रवण किस्कु, साकिब हक, चिराग शाह र सोनु अन्सारी