एजेन्सी – घरेलु टोली भारतले इङ्ग्ल्यान्डविरुद्धको ओडिआइ सिरिज एक खेल अगावै जितेको छ ।

दोस्रो खेल आइतवार ४ विकेटले जितेसँगै भारतले ३ ओडिआइको सिरिजमा २-० को‌ अग्रता बनाएको छ।
३ सय ५ रनको लक्ष्य भारतले ४४.३ ओभरमा ६ विकेट गुमाउँदै ३ सय ८ रन बनाएर पूरा गर्‍यो ।

भारतका लागि कप्तान रोहित शर्माले शतकीय पारी खेले । रोहितको त्यो ३२ औं ओडिआइ शतक हो । उनले ९० बलमा १२ चौका र ७ छक्काको मद्दतमा १ सय १९ रन बनाए । 

शुभमन गिलले ५२ बलमा ९ चौका र एक छक्काको मद्दतले ६०, श्रेयस अय्यरले ४४, अक्षर पटेलले नटआउट ४१ बनाए । रवीन्द्र जडेजाले अविजित ११ तथा  हार्दिक पाण्डेया र केएल राहुलले समान १० रन जोडे ।

इङ्ग्ल्याण्डका जिमी ओभर्टनले २, गस एट्किन्सन, अदिल रासिद रगउ लियम लिभिङस्टोनले समान १ विकेट लिए।

त्यसअघि टस जितेर ब्याटिङ रोजेको इंग्ल्याण्ड ४९.५ ओभरमा ३ सय ४ रनमा अलआउट भयो । टोलीका जो रूटले ७२ बलमा ६ चौकाको मद्दतले सर्वाधिक ६९ रन बनाए ।

बेन डकेटले ५६ बलमा १० चौकाको मद्दतले ६५, लियम लिभिङस्टोनले ४१, कप्तान जोस बटलरले ३४, ह्यारी ब्रुकले ३१, फिल साल्टले २६ र आदिल राशिदले १४ रन जोडे ।  

भारतका जडेजाले ३, मोहम्मद शामी, हर्षित राणा, हार्दिक पाण्डेय र वरुण चक्रवर्तीले समान १ विकेट लिए । पहिलो खेल पानि भारतले ४ विकेटले जितेको थियो। तेस्रो तथा अन्तिम खेल बुधवार हुनेछ।