काठमाडौं(हाम्रो खेलकुद) – त्रिकोणात्मक टि ट्वान्टी आई सिरिजमा नेपालले थाइल्याण्डविरुद्ध टस हारेको छ ।

कीर्तिपुरस्थित टियु क्रिकेट मैदानमा थाइल्याण्डकी कप्तानले टस जितेर नेपाललाई बलिङको निम्तो दिईन् । नेपाली टोलीमा २ परिवर्तन भएको छ ।

गत आइतवार नेदरल्याण्ड्सविरुद्ध खेलेको नेपाली टोलीमा रहेकी रेवती धामी र सिता राना मगर बेन्चमा रहेका छन् । थाईल्याण्डविरुद्धको खेलका लागि रोमा थापा र रचना चौधरीले मौका पाएकी छिन् ।

रचना शनिवार थाइल्याण्डसँगको खेलमा घाइते भएकी कविता कुँवरको स्थानमा टिममा थपिएकी थिइन् । रचनाले नेपाली सिनियर महिला टोलीबाट डेब्यु समेत गरेकी हुन् ।

नेपाल अहिले सम्म खेलेको सबै ३ खेलमा पराजित भएको छ । नेपाल पहिलो र तेस्रो खेलमा नेदरल्याण्ड्ससँग र दोस्रो खेलमा थाइल्याण्डसँग पराजित भएको थियो ।

थाइल्याण्ड भने सिरिजमा खेलेका सबै ३ खेलमा अपराजित छ । पहिलो र तेस्रो खेलमा नेदरल्याण्ड्सलाई हराएको थाइल्याण्डले दोस्रो खेलमा नेपाललाई पराजित गरेको थियो । सिरिजमा नेपाल र थाइल्याण्ड दोस्रो पटक आमने सामने हुदैछन् ।

पहिलो भेटमा थाइल्याण्डले नेपाललाई ४ विकेटले पराजित गरेको थियो । नेपालले दिएको १ सय २ रनको लक्ष्य थाइल्याण्डले १९ ओभरमा ६ विकेट गुमाएर पूरा गरेको थियो ।

यसअघि भएकाे नेपाल र थाइल्याण्डबिच को ४ वटा टि ट्वान्टी आई खेलमा नेपाल सबैमा पराजित भएको थियो ।

नेपालको प्लेईङ-११

इन्दु बर्मा(कप्तान), बिन्दु रावल, सम्झना खड्का, ममता चौधरी, पुजा महतो, रुविना क्षेत्री, कविता जोशी, रोमा थापा, मनिषा उपाध्याय, अलिसा कुमारी यादव र रचना चाैधरी