2 hours ago
February 3, 2025
काठमाडौं(हाम्रो खेलकुद) – वान डे क्रिकेट एकेडेमी र फरेभर क्रिकेट व्बाईज क्लबले प्रधानमन्त्री कप पुरुष क्रिकेटको काठमाडौं जिल्ला छनोटमा विजयी सुरुवात गरेका छन् ।
सोमबार मुलपानी क्रिकेट मैदानमा वान डेले हिमालयन क्रिकेट एकेडेमी ‘बी’लाई ५७ रनले पराजित गर्यो । सोमवारको पहिलो खेलमा वान डेले प्रस्तुत गरेको १ सय २४ रनको लक्ष्य पछ्याएको हिमालयन १३ ओभरमा ६६ रनमै समेटियो ।
हिमालयनका लागि अभिषेक बुढाऐरले २० रन बनाउनुबाहेक अन्य ब्याटरले दोहोरो अंकमा रन जोड्न सकेनन् ।
वान डेका लागि प्लेयर अफ द म्याच समेत भएका मणी गैरेले ५ विकेट लिए । विकल्प थापाले २ र भुपेश्वर महतोले १ विकेट लिए।
त्यसअघि टस जितेर ब्याटिङ रोजेको वान डेले निर्धारित २० ओभरमा ९ विकेट गुमाउँदै १ सय २३ रनको योगफल तयार पारेको थियो । वान डेका लागि विश्वास खत्रीले २९, निरज ओलीले २५ र भुपेश्वर महतोले १३ रन बनाए ।
हिमालयनका लागि सुमन विश्वकर्माले ४ र आदित्य थापाले २ विकेट लिए ।
सोमबारै भएको दोस्रो खेलमा पहिलो जित हात पार्ने क्रममा फरेभरले नेक्सस क्रिकेट एकेडेमीविरुद्ध ५ विकेटको जित दर्ता गर्यो ।
नेक्ससले दिएको १ सय १२ रनको लक्ष्य फरेभरले १७.३ ओभरमा ५ विकेट गुमाएर पूरा गर्यो । फरेभरका लागि जतिन थापाले सर्वाधिक २७ रन जोडे । प्लेयर अफ द म्याच अजय नकर्मीले २५ बलमा २२ तथा कृष्ण भट्टले १४ बलमा नट आउट १२ रन जोडे
नेक्ससका लागि विप्लव फुयाँलले २ तथा सुरज राई र सुयोग दाहालले समान १ विकेट लिए । त्यसअघि टस जितेर पहिले ब्याटिङ गरेको नेक्ससले निर्धारित २० ओभरमा ७ विकेट गुमाएर १ सय ११ रन जोडेको थियो ।
नेक्ससका लागि मोहम्मद दिलसाद आलमले ६१ बलमा नट आउट रहँदै सर्वाधिक ६३ रन जोडे । अनिल कुमार यादवले ११ बलमा १६ तथा कासिफ समादले १० रन जोडे । फरेभरका लागि अजय र पंकज पन्तले समान २ तथा लक्ष्मण कार्कीले १ विकेट लिए ।
February 3, 2025
काठमाडौं(हाम्रो खेलकुद) – विवेक यादवको अर्धशतक तथा कमल गुप्ताको ५ विकेट सहयोगमा सिवाईसी अत्तरियाले लगातार दोस्रो जित हात पारेको छ । सोमवारको दोस्रो खेलमा अत्तरियाले क्रिकेट एक्सीलेन्स सेन्टर(सिइसी) काठमाडौंलाई ८६ रनको फराकिलो अन्तरले हराएको हो । १ सय ४३ रनको लक्ष्य पछ्याएको सिइसीले १२.२ ओभरमा अल आउट हुँदै ५६ रन मात्र बनायो । सिइसीका लागि […]
February 3, 2025
काठमाडौं(हाम्रो खेलकुद) – महिला त्रिकोणात्मक सिरिजको अन्तर्गत थाइल्याण्डले लगातार तेस्रो जित हासिल गरेको छ । आइतवार सिरिजमा लगातार तेस्रो जित निकाल्ने क्रममा थाइल्याण्डले नेदरल्याण्ड्सलाई १७ रनको जित हात पारेको हो । थाइल्याण्डले दिएको ८७ रनको सामान्य लक्ष्य पछ्याएको नेदरल्याण्ड्स १५.५ ओभरमा ६९ रनमा अल आउट भयो । नेदरल्याण्ड्सका लागि कप्तान बाबेटी डि लिडेले सर्वाधिक २५ […]
February 3, 2025
काठमाडौं(हाम्रो खेलकुद) – धनगढीमा जारी अर्जुन ट्रफी राष्ट्रिय क्रिकेट प्रतियोगितामा फ्रेन्ड्स युथ क्लब डडेलधुराले लगातार दोस्रो जित हात पारेको छ । सोमवार भएको खेलमा लगातार दोस्रो जित हात पार्ने क्रममा डडेधुराले झापाको बोस्टन एकेडेमीलाई ७७ रनको फराकिलो अन्तरले पराजित गरेको हो । हुस्सुका कारण ढिला सुरु भएको खेल १५ ओभरमा छोट्याइएको थियो । डडेलधुराले दिएको […]
