वरुणको ५ विकेटमा इङ्ग्ल्याण्डको मध्यम योगफल

एजेन्सी – वरुण चक्रवर्तीको ५ विकेट लिएपछि घरेलु टोली भारतविरुद्धको तेस्रो टि ट्वान्टी आईमा इङ्ग्ल्याण्डले मध्यम योगफल तयार गरेको छ ।

जारी खेलमा भारतले इङ्ग्ल्याण्डबाट १ सय ७२ रनको लक्ष्य पाएको छ । भारत ५ खेलको टि ट्वान्टी आई सिरिजमा २-० ले अघि छ ।

भारतको राजकोटमा रहेको सौराष्ट्र क्रिकेट एसोसिएसनको मैदानमा टस हारेर ब्याटिङको निम्तो पाएको पाहुना टोलीले निर्धारित २० ओभरमा ९ विकेट गुमाएर १ सय ७१ रन जोड्यो ।

इङ्ग्ल्याण्डका लागि ओपनर बेन डकेटले सर्वाधिक ५१ रन जोडे । उनले २८ बलमा ७ चौका र २ छक्का प्रहार गरे । लियम लिभिङ्स्टोनले २४ बलमा १ चौका र ५ छक्काको सहयोगमा ४३ रन बनाए ।

कप्तान जस बटलर २२ बलमा २४ रनमा आउट हुँदा आदिल राशिद र मार्क वुडले नट आउट १० रन जोडे । इङ्ग्ल्याण्डका अन्य ब्याटरले दोहोरो अंकमा रन जोड्न सकेनन् ।

भारतका लागि वरुणले ४ ओभरमा २४ रन खर्चिएर ५ विकेट लिए । हार्दिक पाण्ड्याले २ , रवि बिष्नोइ र अक्षर पटेलले समान १ विकेट लिए ।