सुमन अधिकारी, बुटवल

रुपन्देहीमा जारी ‘ए’ डिभिजन सुपरलिग क्रिकेट प्रतियोगितामा लुम्बिनी खुकुरी क्लबले प्रोफेसनल मास्टर्स–११ माथि जित निकालेको छ ।

लुम्बिनी खुकुरीले सोमवार प्रोफेसनललाई १ सय १८ रनको फराकिलो रनमा हराएको हो । भैरहवास्थित सिद्धार्थ क्रिकेट मैदानमा टस जितेर ब्याटिङ गरेको लुम्बिनी खुकुरीले निर्धारित ३० ओभरको खेलमा ५ विकेट गुमाएर १ सय ८५ रनको बलियो योगफल बनाएको थियो ।

टोलीका लागि प्रज्वल थापाले ८४ र शंकर रानाले ७२ रनको अर्धशतकीय इनिङ खेले हुन । यसैगरि निश्चल चौधरीले ११ रन बनाए ।

प्रोफेसनलका जयप्रताप यादवले २ तथा कृष्ण पराजुली, अख्तर हुसेन र करण साहनीले समान विकेट लिएका थिए ।

जितका लागि १ सय ८६ रनको लक्ष्यसहित जवाफी ब्याटिङमा उत्रेको प्रोफेसनल मात्र १९.५ ओभरमा ६७ रन बनाएर अलआउट भयो ।

प्रोफेसनलका अजयकुमार चौहानले ४, सहदेश जिसी र आरिफ खानले समान २, सेहजाद आलम र साहब आलमले समान १ विकेट लिएका थिए ।

प्रोफेसनलका इमरान खानले २२, अजय रसाइलीले १३ र तुसार चौहानले १० रन बनाए पनि अन्य ब्याटरले दोहोरो अंकमा रन बटुल्न सकेनन् । खेलमा खुकुरीका प्रज्वल थापा प्लेयर अफ द म्याच घोषित भए ।

रुपन्देही क्रिकेट संघको आयोजना र सिद्धार्थनगर नगरपालिकाको सहप्रायोजनामा जारी प्रतियोगिताको विजेता टोलीले १ लाख १ रुपैयाँ र दोस्रो टोलीले ५० हजार १ रुपैयाँ प्राप्त गर्नेछन् ।