जय नेपाल कप – सेमिफाइनल समीकरण पूरा

काठमाडौं(हाम्रो खेलकुद) – जय नेपाल कप क्रिकेट प्रतियोगिताको सेमिफाइनल समिकरण पूरा भएको छ ।

आइतवार बिहार र ढाका विश्वविद्यालयको खेल पछि सेमिफाइनल समिकरण पूरा भएको हो । समूह ए बाट बंगलादेशको ढाका विश्वविद्यालय र नेपालको त्रिभुवन विश्वविद्यालय सेमिफाइनल पुगेका छन् ।

समूह बी बाट नेपालको मध्य पश्चिम र भारतको लखनउ विश्वविद्यालयले सेमिफाइनलमा स्थान बनाएको छ । दुवै सेमिफाइनल सोमवार हुनेछ। पहिलो सेमिफाइनलमा समूह ए को विजेता ढाकाले समूह बी को उपविजेता लखनउ विश्वविद्यालयको सामना गर्नेछ ।

दोस्रो सेमिफाइनलमा समूह बी को विजेता मध्यपश्चिमले समूह ए को उपविजेता त्रिभुवन विश्वविद्यालयको सामना गर्नेछ । फाइनल मंगलवार हुनेछ।