सुमन अधिकारी,बुटवल

रुपन्देही सुपरलिग क्रिकेट प्रतियोगिता अन्तर्गत ‘ए’ डिभिजनको शनिवारको खेलमा मेलवर्न क्रिकेट क्लब (एमसिसी) विजयी भएको छ ।

एमसिसीले प्रोफेसनल मास्टर्स ११ लाई ८० रनले पराजित गरेको हो । भैरहवास्थित सिद्धार्थ क्रिकेट मैदानमा टस जितेर ब्याटिङ गरेको एमसिसीले निर्धारित ३९ ओभरको खेलमा ९ विकेटको नोक्सानीमा २ सय ८ रन बनायो ।

उसका लागि आदित्य यादवले ५९, सन्दीप रजालीले ५६, अमन खानलले ३० र विपिन आचार्यले १३ रन बनाए । बलिङमा प्रोफेसनलका कर्ण साहनी र ड्रस सुनारले समान २ तथा अख्तर हुसेन र जयप्रताप यादवले समान १ विकेट लिए ।

जवाफी ब्याटिङ गरेको प्रोफेसनल ३८.४ ओभरमा १ सय २८ रन बनाउँदा अलआउट भयो । उसका लागि जयप्रताप यादवले २१, ड्रस सुनारले १६, अजय रसाइलीले १५ र अख्तर हुसेनले १० रन बनाए ।एमसीसीका विपिन आचार्यले ३, सन्दीप रजाली र विनय कुर्मीले समा २ तथा रमेश कुर्मी, विजय प्रजापती सोहिल पालले समा १ विकेट हात पारे । खेलमा सन्दीप रजाली प्लेयर अफ द म्याच घोषित भए ।

रुपन्देही क्रिकेट संघको आयोजना र सिद्धार्थनगर नगरपालिकाको सहप्रायोजनामा जारी प्रतियोगिताको विजेता टिमले नगद १ लाख १ रुपैयाँ र उपविजेताले ५० हजार १ रुपैयाँ नगदसहित ट्रफी, मेडल र प्रमाणपत्र प्राप्त गर्नेछन् ।