काठमाडौं(हाम्रो खेलकुद) – लोकेश बमको बिस्फोटक शतकको सहयोगमा राजधानीमा जारी जय नेपाल कप क्रिकेटमा त्रिभुवन विश्वविद्यालय(त्रिवि)ले फराकिलो जित हासिल गरेको छ ।

बिहीवार भएको दिनको दोस्रो खेलमा त्रिविले पूर्वाञ्चल विश्विद्याललाई १ सय ६७ रनले पराजित गरेको हो । पहिले ब्याटिङ गरेको त्रिविले निर्धारित २० ओभरमा २ विकेट गुमाएर २ सय ११ रन बनाएको थियो ।

त्रिविका लागि लोकेशले ५३ बलमा १ सय ३ रन जोडे । आइश भट्टराईले ५७ बलमा ८८ रन बनाए ।

२ सय १२ रनको विशाल लक्ष्य पछ्याएको पूर्वाञ्चल ८.५ ओभरमा ४४ रनमा अल आउट भयो । पूर्वाञ्चलका लागि कुनै पनि ब्याटरले दोहोरो अंकमा रन बनाउन सकेनन् ।

यस्तै, आजै भएको पहिलो खेलमा भारतको लखनउ विश्वविद्यालयले बिहार विश्वविद्यालयलाई पराजित गर्यो । टियु क्रिकेट मैदान कीर्तिपुरमा भएको खेलमा १ सय ७ रनको सामान्य लक्ष्य लखनउले १८.२ ओभरमा ५ विकेट गुमाएर पूरा गर्यो ।

लखनउका लागि मनान कान्दपालले ४१ बलमा ३६ तथा यश वद्र्धनले २५ बलमा २७ रन बनाए । त्यसअघि पहिले ब्याटिङ गरेको बिहारले २० ओभरमा ६ विकेट गुमाएर १ सय ६ रन जोडेको थियो ।

बिहारका लागि शलव सिंहले ३३ बलमा ४१ तथा शुभमले २४ बलमा २३ रन जोडे ।

नेपाल विद्यार्धी संघले आयोजना गरेको प्रतियोगितामा नेपालका ४, भारतका ३ तथा बंगलादेशको १ विश्वविद्यालयको सहभागिता छ ।

प्रतियोगिताको खेलतालिका