1 month ago
January 18, 2025
काठमाडौं(हाम्रो खेलकुद) – नेपाली युवा अलराउण्डर कुशल मल्ल सम्मिलित डेजर्ट भाइपर्सले अन्तर्राष्ट्रिय लिग (आईएल) टि ट्वान्टीमा लगातार चौथो जित हासिल गरेको छ ।
डेजर्टले शनिवार अबुधाबी नाइट राइडर्सलाई ५३ रनले पराजित गरेको छ । डेजर्टले चौथो खेलिसक्दा कुशलले डेब्युको अवसर पाएका छैनन् ।
१ सय ९४ रनको लक्ष्य पछ्याएको नाइट राइडर्सले १७.४ ओभरमा अल आउट हुदै १ सय ४० रन मात्र बनायो । नाइट राइडर्सका लागि जोय काल्र्कले सर्वाधिक ५५ रन जोडे । उनले ३२ बलमा ८ चौका प्रहार गरे ।
जेसन होल्डर २७, कायल मेयर्स २१ तथा अलिशान सरफु ११ रन बनाए । नाटराइडर्सका अन्य ब्याटरले दोहोरो अंकमा रन जोड्न सकेनन् ।
डेजर्टका लागि नाथन स्वटेरले ३, वानिदु हसरंगाले २ तथा डान लरेन्स, मोहम्मद आमिर र धुव्र परासरले समान १ विकेट लिए ।
त्यसअघि दुबईमा टस जितेर पहिले ब्याटिङ रोजेको डेजर्टले २० ओभरमा ५ विकेट गुमाएर १ सय ९३ रन बनाएको थियो ।
एलेक्स हेल्सले सर्वाधिक ५८ रन जोडे । उनले ३६ बलमा ३ चौका र ४ छक्का प्रहार गरे । डान लरेन्सले ४९, कप्तान साम करणले ३१ तथा अजाम खानले २१ रन जोडे ।
नाइट राइडर्सका लागि जेसन होल्डरले २ तथा कायल मेयर्स र डेविड बिल्लीले समान १ विकेट लिए ।
डेजर्ट ४ खेलमा अपराजित रहदै अंक तालिकाको शीर्ष स्थानमा छ । नाइट राइडर्स ३ खेलमा १ जितका साथ चौथो स्थानमा छ ।
February 23, 2025
एजेन्सी – विराट कोहलीको शतक सहयोगमा भारतले डिफेन्डिङ च्याम्पियन पाकिस्तानमाथि च्याम्पियन्स ट्रफीको दोस्रो खेलमा जित हासिल गरेको छ । च्याम्पियन्स ट्रफीमा लगातार दोस्रो जित हासिल गर्ने क्रममा भारतले आइतवार भएको खेलमा पाकिस्तानलाई ६ विकेटले पराजित गरेको हो । पाकिस्तानले दिएको २ सय ४२ रनको मध्यम लक्ष्य भारतले ४२.३ ओभरमा ४ विकेट गुमाएर पूरा गर्यो । […]
February 23, 2025
एजेन्सी – च्याम्पियन्स ट्रफीको डिफेन्डिङ च्याम्पियन पाकिस्तानले भारतविरुद्ध सामान्य योगफल तयार गरेको छ । युएईमा जारी खेलमा पाकिस्तानले भारतविरुद्ध २ सय ४१ रनको मध्यम योगफल तयार गरेको हो । भारतले पाकिस्तान जान अस्विकार गरेपछि उसको सबै खेल युएईमा भईरहेको छ । युएईस्थित दुबई अन्तर्राष्ट्रिय क्रिकेट स्टेडियममा टस जितेर पहिले ब्याटिङ गरेको पाकिस्तान ४९.४ ओभरमा २ […]
February 23, 2025
एजेन्सी – च्याम्पियन्स ट्रफीको आयोजक पाकिस्तानले भारतविरुद्ध टस जितेको छ । युएईको दुबई अन्तर्राष्ट्रिय क्रिकेट स्टेडियममा पाकिस्तानका कप्तान मोहम्मद रिजवानले टस जितेर ब्याटिङ रोजेका हुन् । भारतले पाकिस्तानमा खेल्न अस्विकार गरेपछि उसका सबै खेल युएईमा भइरहेको छ । पाकिस्तानले गत संस्करणको फाइनलमा भारतलाई नै पराजित गरेको थियो । पाकिस्तान १ सय ८० रनको जित निकाल्दै […]
