काठमाडौं (हाम्रो खेलकुद) – महिला यु १९ महिला टि ट्वान्टी विश्व कप खेल्ने तयारीमा रहेका दुई टोलीबिको पहिलो अभ्यास खेलमा नेपाल वेस्ट इन्डिजसँग ९ रनले पराजित भएको छ।

मलेसिया स्थित कोलेज ट्रएन्कु जाफार मैदानमा सोमवार १ सय १० रनको लक्ष्य पछ्याएको नेपालले १९.१ ओभरमा सबै विकेट गुमाएर १ सय रन मात्र बनाउन सक्यो।

सिमाना केसीले टोलीका लागि सर्वाधिक २३ रन बनाइन् ।र किरण कुँवर र कप्तान पुजा महतोले समान १८ रन जोडे ।

५४ रनमा ६ विकेट गुमाएको नेपालका लागि किरण र सिमानाले ३० रनको साझेदारी गरेका थिए ।
त्यसअघि टस जितेर ब्याटिङ गरेकल वेस्ट इन्डिजले निर्धारित २० ओभरमा ४ विकेट गुमाएर १ सय ९ रन बनाएको थियो।

वेस्ट इन्डिजकी कप्तान समरा रमनाथले सर्वाधिक २५ रन बनाइन्। ३३ बल खेलेकी उनले २ चौका प्रहार गरिन्। ओपनर असाबी क्यालेन्डर २३ जोडिन् । नेपालका लागि रचनाकुमारी चौधरी र सिमना केसीले विकेट लिए ।

नेपालले दोस्रो अभ्यास खेल जनवरी १५ मा अमेरिकासँग खेल्नेछ । मलेसियामा जनवरी १८ देखि फेब्रुअरी २ सम्म विश्वकपको नेपाल समूह डीमा छ।

बंगालादेशसँग जनवरी १८ मा खेल्दै नेपालले विश्व कपको यात्रा सुरु गर्नेछ। त्यसपछि नेपालले जनवरी २० मा स्कटल्याण्ड र जनवरी २३ मा अस्ट्रेलियासँग खेल्नेछ । महिलाको कुनै पनि स्तरमा नेपालले विश्व कप खेल्न लागेको यो पहिलो पटक हो।