2 hours ago
January 12, 2025
सुमन अधिकारी, बुटवल
नवयुग लुम्बिनी क्लबले पृथ्वी कप क्रिकेट प्रतियोगिताको उपाधि जितेको छ ।
बुटवल उपमहानगरपालिकाको सहयोग तथा पृथ्वीनारायण शाह स्पोर्टस प्रतिष्ठानको आयोजनामा भएको प्रतियागिताको फाइनलमा नव युवाले ग्राण्ड कस्मो लुम्बिनीलाई ५ विकेटले पराजित गर्दै उपाधि जितेको हो ।
७६ रनको लक्ष्य पाएको नव युवाले १६.५ ओभरमा ५ गुमाउँदै ७७ बनाएको थियो । टोलीका एजाज अहमदले २९ रन बनाए । प्रदिप जैसवालले १३ बलमा नटआउट १६ रन जोडे ।
त्यसअघि पहिले ब्याटिङ गरेको ग्राण्ड कस्मोले १९.५ ओभरमा अल आउट हुँदै ७५ रन बनायो । टोलीका रमन कुर्मीले ३८ बल खेल्दै सर्वाधिक ३६ रन बनाए। दिप नारायण कुर्मीले १९ रन जोडे।
विजेता नव युवाले ट्रफीसहित १ लाख र ग्रान्ड कस्मो लुम्बिनी ५० हजार रुपैयाँ प्राप्त गरेको छ । बुटवल -१६ स्थित नरैनापुर क्रिकेट मैदानमा पुस १९ गतेदेखि सञ्चालन भएको प्रतियोगितामा १३ टोलीको सहभागिता थियो । प्रतियोगिता टेनिस बल खेलाइएको थियो ।
विजेता र उपविजेता टोली खेलाडीलाई बुटवल नगर खेलकुद विकास समितिका संयोजक वोनिन पिया, आयोजक पुथ्वीनारायण शाह स्पार्टस प्रतिष्ठान, बुटवलका अध्यक्ष निरज प्रताप खाँडले पुरस्कृत गरे।
January 12, 2025
काठमाडौं(हाम्रो खेलकुद) – त्रिभुवन आर्मी क्लब मधेश प्रदेशलाई हराउँदै जय ट्रफी मेन्स एलिट कपको फाइनल प्रवेश गरेको छ । पाँचौ खेलमा आइतवार आर्मीले मधेशलाई ८ विकेटले पराजित गरेको हो । दोस्रो इनिङमा २८ रनको झिनो लक्ष्य आर्मीले २ विकेट गुमाएर पूरा गर्यो । पहिलो इनिङमा आर्मी भन्दा १ सय रनले पछि परेसँगै मधेश फलोअनमा परेको […]
January 12, 2025
काठमाडौं(हाम्रो खेलकुद) – नेपाली राष्ट्रिय महिला क्रिकेट टोलीसँग टि ट्वान्टी आई सिरिज खेल्ने नेदरल्याण्ड्सको टोली घोषणा भएको छ । टियु क्रिकेट मैदानमा हुने त्रिकोणात्मक टि ट्वान्टी आई सिरिजका लागि नेदरल्याण्ड्सको टोली घोषणा भएको हो । नेदरल्याण्ड्स क्रिकेट बोर्डले बेबेटी डि लिडेको कप्तानीमा १४ सदस्यीय टोलीको घोषणा गरेको हो । सिरिज माघ १७ देखि २५ गते […]
January 12, 2025
एजेन्सी – पाकिस्तान र संयुक्त अरब इमिरेट्स (युएई) मा अर्को महिना हुने च्याम्पियन्स ट्रफीका लागि न्युजिल्याण्डको टोली घोषणा भएको छ । न्युजिल्याण्ड क्रिकेट बोर्डले आइतवार मिचेल स्यान्टनरको कप्तानीमा १५ सदस्यीय टोली घोषणा गरेको हो । तीव्र गतिका बलर लोकी फर्गुसन र बेन सियर्सले पुनरागमन गरेका छन् । सियर्स, विल ओुरोर्के र नाथन स्मिथलाई आइसिसीको प्रतियोगिताका […]
