काठमाडौं(हाम्रो खेलकुद) – नेपाली क्रिकेट टोलीका कप्तान रोहितकुमार पौडेलले जय ट्रफी मेन्स एलिट कपको पहिलो संस्करण गुमाउने भएका छन् ।

जय ट्रफी मेन्स एलिट कपको पहिलो संस्करणमा २०२४ को सुरुवातमा भएको प्रधानमन्त्री कप पुरुष एकदिवसीय राष्ट्रिय क्रिकेट प्रतियोगितामा शीर्ष चार(नेपाल पुलिस क्लब, त्रिभुवन आर्मी क्लब, बागमती प्रदेश र मधेश प्रदेश) टिमको सहभागीता रहनेछ ।

राष्ट्रिय टोलीका कप्तान रोहित यसै प्रतियोगितामा त्रिभुवन आर्मी क्लब छोड्दै अर्को विभागिय टोली नेपाल एपिएफ क्लबमा आबद्ध भएका थिए । तर, रोहितआबद्ध एपिएफले प्रधानमन्त्री कप पुरुष एकदिवसीय राष्ट्रिय क्रिकेट प्रतियोगितामा शीर्ष ४ मा स्थान बनाउँन नसक्दा उनले एलिट कप गुमाउने भएका हुन् ।

रोहितसँगै राष्ट्रिय टोलीका नियमित विकेटकिपर आसिफ शेखले पनि पहिलो संस्करणको यस प्रतियोगिता गुमाउँदैछन् । अभिनाश बोहोरा, भुवन कार्की, सन्दीप जोरा, सुमित महर्जन, लोकेश बम लगायतले पनि यो प्रतियोगिता गुमाउने भएका छन् ।

जय ट्रफी २०८१ जनवरी ५ देखि १६ तारिख अर्थात २०८१ को पौष २१ देखि माघ ३ गतेसम्म हुनेछ । प्रतियोगिताका खेलहरु जनकपुर र विरगंजमा हुनेछ । प्रतियोगितामा २०२४ को सुरुवातमा भएको प्रधानमन्त्री कप राष्ट्रिय एकदिवसीय क्रिकेट प्रतियोगिताको शीर्ष ४ टोली(नेपाल पुलिस क्लब, त्रिभुवन आर्मी क्लब, बागमती प्रदेश तथा मधेश प्रदेश) को सहभागीता रहने छ ।

सिङ्गल राउण्ड रोबिन लिगका आधारमा संचालन हुने प्रतियोगिताको शीर्ष २ टोलीबीचमा फाइनल खेल हुनेछ । क्यानका अनुसार लिग चरणका खेल दुई दिवसीय ढाँचामा आयोजना हुनेछ । फाइनल खेल भने तीन दिवसीय रुपमा खेलाइने छ ।