काठमाडौं (हाम्रो खेलकुद) – नेपाल क्रिकेट संघ (क्यान) ले यसअघि एलिट कप नाम राखिएको दुईदिवसीय क्रिकेट प्रतियोगितालाई जय ट्रफी नामकरण गर्दै खेलतालिका सार्वजनिक गरेको छ ।

नेपाल क्रिकेट संघ(क्यान)ले बिहीवार एलिट कप प्रतियोगिताको खेलतालिका जारी गरेको हो । क्यानका पूर्व अध्यक्ष जय कुमार शाहको नाममा ‘जय ट्रफी’ मेन्स एलिट कप नामाकरण गरिएको छ ।

जय ट्रफी पुस २१ देखि माघ ३ गतेसम्म हुनेछ ।प्रतियोगिताका खेलहरु जनकपुर र विरगंजमा हुनेछ ।

जय ट्रफीमा २०२४ को सुरुवातमा भएको प्रधानमन्त्री कप राष्ट्रिय एकदिवसीय क्रिकेट प्रतियोगिताको शीर्ष ४ टोली(नेपाल पुलिस क्लब, त्रिभुवन आर्मी क्लब, बागमती प्रदेश तथा मधेश प्रदेश) को सहभागिता रहने छ ।

सिङ्गल राउण्ड रोबिन लिगका आधारमा संचालन हुने प्रतियोगिताको शीर्ष २ टोलीबीचमा फाइनल खेल हुनेछ ।

क्यानका अनुसार लिग चरणका खेल दुई दिवसीय र फाइनल तीन दिवसीय ढाँचामा हुनेछ ।

जय ट्रफी एलिट कपको खेल तालिका

जनवरी ५ देखि ६ सम्म

बागमती प्रदेशविरुद्ध मधेश प्रदेश – जनकपुर
नेपाल पुलिसविरुद्ध त्रिभुवन आर्मी क्लब – विरगंज

जनवरी ८ देखि ९ सम्म

त्रिभुवन आर्मी क्लबविरुद्ध बागमती प्रदेश – जनकपुर
मधेश प्रदेशविरुद्ध नेपाल पुलिस क्लब – विरगंज

जनवरी ११ देखि १२ सम्म

नेपाल पुलिस क्लबविरुद्ध बागमती प्रदेश – जनकपुर
त्रिभुवन आर्मी क्लबविरुद्ध मधेश प्रदेश – विरगंज

जनवरी १४ देखि १६ सम्म फाइनल खेल – विरगंज