6 hours ago
December 11, 2024
एजेन्सी- जर्ज लिन्डेको अलराउन्ड प्रदर्शनमा दक्षिण अफ्रिकाले पाकिस्तानलाई पहिलो टि ट्वान्टी आईमा हराएको छ ।
दक्षिण अफ्रिकाले मंगलवार ११ रनको जित हात पारेको हो । घरेलु टोलीले ३ खेलको टि ट्वान्टी आई सिरिजमा १-० को अग्रता बनाएको छ ।
१ सय ८४ रनको लक्ष्य पछ्याएको पाहुना टोलीले निर्धारित २० ओभरमा ८ विकेट गुमाएर १ सय ७२ रन मात्र जोड्न सक्यो ।
पाकिस्तानका कप्तान मोहम्मद रिजवानले सर्वाधिक ७४ रन जोडे । उनले ६२ बलमा ५ चौका र ३ छक्का प्रहार गरे । अर्का ओपनर बाबर अजाम रनको खाता नखोल्दै केवेन मफाकाको बलमा आउट भए ।
युवा ब्याटर सैयम अयुबले १५ बलमा ७ चौकाको सहयोगमा ३१ तथा तैयब ताहिरले १८ बलमा १८ रन जोडे ।
दक्षिण अफ्रिकाका जर्ज लिन्डेले ४ ओभरमा २१ रन खर्चिएर ४ विकेट लिए । केवेन मफाकाले २ तथा ओटिन ब्राटमनले १ विकेट लिए ।
त्यसअघि डर्वनमा टस जितेर पहिले ब्याटिङ गरेको दक्षिण अफ्रिकाले २० ओभरमा ९ विकेट गुमाएर १ सय ८३ रन बनाएको थियो ।
दक्षिण अफ्रिकाका डेविड मिलरले सर्वाधिक ८२ रन जोडे । उनले ४० बलमा ४ चौका र ८ छक्का प्रहार गरे । जर्ज लिन्डेले २४ बलमा ३ चौका र ४ छक्काको सहयोगमा ४८ तथा कप्तान हेनरिक क्लेसन र केवेन मफाकाले समान १२ रन बनाए ।
पाकिस्तानका शाहिन शाह अफ्रिदी र अबरार अहमदले समान ३ तथा अब्बास अफ्रिदीले २ विकेट लिए । दोस्रो टि ट्वान्टी खेल शुक्रवार हुनेछ ।
December 11, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा लुम्बिनी लायन्सको बलिङ सामू काठमाडौं गुर्खाज झिनो योगफलमा समेटिएको छ । लुम्बिनीविरुद्ध काठमाडौंले १ सय ४ रनको झिनो लक्ष्य दिएको हो । टस जितेर ब्याटिङ गरेको काठमाडौं १९.२ ओभरमा १ सय ३ रनमा अल आउट भयो । काठमाडौंका लागि भीम सार्कीले सर्वाधिक ३१ रन बनाए । […]
December 11, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा बुधवारको दोस्रो खेलमा लुम्बिनी लायन्सविरुद्धको खेलमा काठमाडौं गुर्खाजले टस जितेको छ । टियु क्रिकेट मैदानमा काठमाडौंका कप्तान करण केसीले टस जितेर ब्याटिङ रोजेका हुन् । ५ खेलमा ४ मा हार र १ मा जित सहित लुम्बिनी अंक तालिकाको पाँचौ स्थानमा छ । मंगलवार भएको पछिल्लो खेलमा […]
December 11, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा जनकपुर बोल्ट्समाथि सहज जितका साथ सुदूरपश्चिम रोयल्स शीर्ष स्थानमा उक्लिएको छ । बुधवारको पहिलो खेलमा जनकपुरलाई ७२ रनले हराउँदै सुदूरपश्चिम लिगको शीर्ष स्थानमा उक्लिएको हो । १ सय २४ रनको लक्ष्य पछ्याएको जनकपुरले १२.१ ओभरमा अल आउट हुदै ५१ रन मात्र जोड्न सक्यो । यो एनपिएलमा […]