काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा सहभागी हुनका लागि लुम्बिनी लायन्समा अनुबन्ध भएका इङ्ग्ल्यान्डका विकेटकिपर ब्याट्सम्यान टम मुर्स नेपाल आईपुगेका छन् ।

लुम्बिनीका पहिलो विदेशी खेलाडीका रुपमा मुर्स बिहीवार नेपाल आइपुगेका हुन् । मुर्सलाई लुम्बिनीका मालिक ईश्वर जिसी लगायतले विमानस्थलमा स्वागत गरेका थिए ।

यसअघि लुम्बिनीले इङ्ग्ल्याण्डका मुर्सका अलावा लुम्बिनीमा अस्ट्रेलियाका बेन कटिङ, अमेरिकाका उन्मुक्त चन्द र वेस्ट इण्डिजका रामोन सिम्नोड्स र क्यानडाका साद विन जाफर विदेशी खेलाडीको रुपमा टोलीमा छन् ।

नेपाल क्रिकेट संघ(क्यान) को आयोजनामा हुने पहिलो संस्करणको सिद्धार्थ बैंक एनपिएल शनिवार देखि पुस ६ गतेसम्म चल्नेछ । मंसिर १९ गते बुधवार लुम्बिनीले आफ्नो पहिलो खेलमा विराटनगर किङ्सको सामना गर्नेछ ।

सिद्धार्थ बैंक एपिएलमा लुम्बिनी लायन्सको खेल तालिका

मंसिर १९ गते विराटनगर किङ्सविरुद्ध दिउँसो १ः१५ बजे
मंसिर २१ गते पोखरा एभेन्जर्सविरुद्ध दिउँसो १ः१५ बजे
मंसिर २२ गते सुदूरपश्चिम रोयल्सविरुद्ध बिहान ९ः१५ बजे
मंसिर २३ गते जनकपुर बोल्ट्सविरुद्ध बिहान ९ः१५ बजे
मंसिर २५ गते चितवन राइनोजविरुद्ध बिहान ९ः१५ बजे
मंसिर २६ गते काठमाडौं गुर्खाजविरुद्ध दिउँसो १ः१५ बजे
मंसिर २८ गते कर्णाली याक्सविरुद्ध बिहान ९ः१५ बजे

लुम्बिनी लायन्स टिम

रोहितकुमार पौडेल, आसुतोष घिरैया, सुर्य तामाङ, दिनेश अधिकारी, विवेक यादव, दुर्गेश गुप्ता, तिलक राज भण्डारी, अभिषेश गौतम, सन्दीप जोरा, अर्जुन साउद, विकास आग्री, टम मुर्स, बेन कटिङ, उन्मुक्त चन्द, रामोन सिम्नोड्स र साद विन जाफर ।