काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) को टोली विराटनगर किङ्सका विदेशी खेलाडी मार्टिन गप्टिल नेपाल आइपुगेका छन् ।

गप्टिल बिहीवार काठमाडौं आई पुगेको टोलीले आफ्नो सामाजिक संजाल मार्फत जनाएको छ ।

राष्ट्रिय क्रिकेट टोलीका नियमित सदस्य सन्दीप लामिछाने विराटनगरको मार्की खेलाडी हुन् । विराटनगरको मुख्य प्रशिक्षक आयरल्यान्डका पूर्व क्रिकेटर केभिन ओ’ब्रायन टोलीको सहायक प्रशिक्षकमा लाक्पा लामा र व्यवस्थापकमा विजय कुमार धिताल छन् । टोलीको निर्देशकमा दीपेन्द्र चौधरी रहेका छन् ।

नेपाल क्रिकेट संघ (क्यान) को‌ आयोजनामा ८ टोलीको सहभागितामा‌ मंसिर १५ गतेदेखि पुस ६ गतेसम्म एनपिएल हुनेछ । विराटनगरले उद्घाटनकै दिन जनकपुर बोल्ट्ससँग पहिलो खेल खेल्नेछ ।

सिद्धार्थ बैंक एनपिएलमा विराटनगरको खेल तालिका

मंसिर १५ गते जनकपुर बोल्ट्सविरुद्ध मध्यान्ह १२ः१५ बजे
मंसिर १८ गते सुदूरपश्चिम रोयल्सविरुद्ध बिहान ९ः१५ बजे
मंसिर १९ गते लुम्बिनी लायन्सविरुद्ध दिउँसो १ः१५ बजे
मंसिर २२ गते कर्णाली याक्सविरुद्ध दिउँसो १ः१५ बजे
मंसिर २७ गते पोखरा एभेन्जर्सविरुद्ध बिहान ९ः१५ बजे
मंसिर २८ गते चितवन राइनोजविरुद्ध दिउँसो १ः१५ बजे
मंसिर ३० गते काठमाडौं गोर्खाजविरुद्ध बिहान ९ः१५ बजे

विराटनगर किङ्स टोली – सन्दीप लामिछाने, लोकेश बम, प्रतिस जिसी, बसिर अहमद, राजेश पुलामी मगर, जितेन्द्रकुमार मुखिया, अनिल खरेल, दिपक बोहोरा, सुभाष भण्डारी, नरेन भट्ट, म्रिनाल गुरुङ, अकिब इल्यास, निकोलस कीर्तन, मार्टिन गप्टिल, क्रिस सोल र इस्मत आलम