2 hours ago
November 27, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपीएल) को टोली चितवन राइनोजमा अनुबन्ध भएका दुई विदेशी खेलाडी काठमाडौं आईपुगेका छन् ।
एनपिएलमा सहभागीता जनाउँन चितवनमा आबद्ध नामिबिया जान निकोल लिफ्टी इटन र इङ्ग्ल्यान्डका ल्यूक मार्टिन बेनकेन्स्टाइन बुधवार काठमाडौं आइपुगेका हुन् ।
दुवै खेलाडीलाई टोलीका अध्यक्ष आयुष न्यौपाने लगायतले त्रिभुवन अन्तर्राष्ट्रिय विमास्थलमा स्वागत गरेका थिए ।
इटन र ल्यूकका अलावा टोलीमा विदेशी खेलाडीको रुपमा अफगानिस्तानका हसन इसाखिल र इङ्ग्ल्यान्डका रवि बोपारा रहेका छन् ।
इसाखिल यसअघि नै नेपाल आइसकेका छन् । चितवनमा अनुबन्ध दक्षिण अफ्रिकाका मार्चन्ट डे लांग भने अभ्यासक्रममा घाइते भएर एनपिएलबाट बाहिरिएका छन् ।
चितवनको मार्की खेलाडीमा कुशल मल्ल र मुख्य प्रशिक्षकमा उमेश पटवाल छन् । एनपिएलमा ८ टोलीको सहभागिता रहेको छ ।
एनपिएलको पहिलो संस्करण शनिवार देखि पुस ६ गतेसम्म हुनेछ । चितवनको पहिलो खेल मंसिर १७ गते काठमाडौं गुर्खाजसँग रहेको छ ।
चितवन राइनोजको टोली – कुशल मल्ल, रिजन ढकाल, विपिन रावल, रन्जित कुमार, सन्तोष कार्की, दिपेश श्रेष्ठ, गौतम केसी, अमरसिंह राउटेला, दिपक बोहरा, कमलसिंह ऐरी, शरद भेषवाकर, ल्यूक मार्टिन बेनकेन्स्टाइन, हसन इसाखिल, जान निकोल लफ्टी इटन र रवि बोपारा।
November 27, 2024
काठमाडौं(हाम्रो खेलकुद) – ई-प्लानेट नेशनल हाईस्कुल च्याम्पियनसिप पुसको पहिलो साताबाट सुरु हुने भएको छ । हाइपयेती इभेन्ट्स र ई-प्लानेटको संयुक्त आयोजनामा हुने यस प्रतियोगिता दुई चरणमा सम्पन्न हुनेछ । पहिलो चरणको प्रतियोगिता सातै प्रदेशमा आयोजना हुनेछ । प्रत्येक प्रदेशको विजेता टोली काठमाडौंमा हुने दोस्रो चरणका लागि छनोट हुनेछ । दोस्रो चरणको प्रतियोगिता माघ ९ देखि […]
November 27, 2024
काठमाडौं(हाम्रो खेलकुद) – इङ्ग्ल्यान्डका अलराउन्डर बेन माइकले जनकपुर बोल्ट्सबाट सिद्धार्थ बैंक नेपाल प्रिमियर लिग (एनपिएल) को पहिलो संस्करण खेल्ने भएका छन् । जनकपुरले विदेशी खेलाडीको रुपमा इङ्ग्लिस अलराउन्डर माइकलाई टोलीमा अनुबन्ध गरेको बुधवार सामाजिक संजालमार्फत जनाएको छ । २६ वर्षिय माइकले ६७ टि ट्वान्टी खेलमा ५७ विकेट तथा ६ सय ६९ विकेट लिएका छन् । […]
November 26, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपीएल) को टोली सुदुरपश्चिम रोयल्सले चितवन राइनोजलाई पराजित गरेको छ । एनपिएलको तयारीमा रहेका दुवै टोलीबीचको अभ्यास खेलमा सुदूरपश्चिमले चितवनमाथि ३८ रनको जित हात पारेको हो । सुदूरपश्चिमले दिएको १ सय ४९ रनको लक्ष्य पछ्याएको चितवनले २० ओभरमा ८ विकेट गुमाएर १ सय १० रन मात्र जोड्यो । […]
