2 hours ago
November 26, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपीएल) को टोली सुदुरपश्चिम रोयल्सले चितवन राइनोजलाई पराजित गरेको छ ।
एनपिएलको तयारीमा रहेका दुवै टोलीबीचको अभ्यास खेलमा सुदूरपश्चिमले चितवनमाथि ३८ रनको जित हात पारेको हो । सुदूरपश्चिमले दिएको १ सय ४९ रनको लक्ष्य पछ्याएको चितवनले २० ओभरमा ८ विकेट गुमाएर १ सय १० रन मात्र जोड्यो ।
चितवनका लागि शरद भेषवाकरले १९ बलमा ३०, ओपनर दिपक बोहोराले १७ बलमा २०,कुशल मल्लले १२ तथा अर्का ओपनर हसन इसाखिलले १० रन जोडे । सुदूरपश्चिमका लागि भोजराज भट्ट, इशान पान्डे र अभिनास बोहोराले समान २ तथा बसन्त खत्री र शुसिल रावलले समान १ विकेट लिए ।
त्यसअघि मुलपानी मैदानमा टस हारेर ब्याटिङको निम्तो पाएको सुदूरपश्चिमले २० ओभरमा ६ विकेट गुमाएर १ सय ४८ रन बनाएको थियो ।
सुदूरपश्चिमका लागि दीपेन्द्रसिंह ऐरीले २५ बलमा नट आउट रहदै ४८ तथा ओपनर इशान पान्डेले २३ बलमा २७ रन जोडेका थिए । अर्का ओपनर अमित श्रेष्ठले २१, बसन्त खत्रीले १५ तथा खडक बोहोरा र आरिफ शेखले समान १० रन बनाएका थिए ।
चितवनका लागि कुशल मल्ल र दिपक बोहोराले समान २ तथा गौतम केसी र नरबहादुर सार्कीले समान १ विकेट लिए । नेपाल क्रिकेट संघ(क्यान) को आयोजनामा आगामी शनिवारबाट एनपिएल सुरु हुदैछ । सुदूरपश्चिम र चितवनबीचको खेल भने मंसिर २३ गते आइतवार रहेको छ ।
November 26, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) को टोली कर्णाली याक्समा अनुबन्ध भएका हङकङका बाबर हायत नेपाल आइपुगेका छन् । मंगलवार आफ्नो दोस्रो विदेशी खेलाडीको रुपमा हायत काठमाडौं आईपुगेको कर्णालीले जनाएको छ । मंगलवार काठमाडौं आईपुगेका हायतलाई कर्णालीका मालिक झनक दत्त खनाल, सह मालिक गृहेन्द्र घिमिरे र प्रशिक्षक ज्ञानेन्द्र मल्लले स्वागत गरेका थिए। ३२ […]
November 26, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) को टोली कर्णाली याक्समा अनुबन्ध भएका वेष्ट इन्डिजका चाडविक वाल्टन नेपाल आइपुगेका छन् । वाल्टन मंगलवार काठमाडौं आइपुगेका क्लबले जनाएको छ । विमानस्थलमा वाल्टनलाई कर्णाली याक्सका मालिक झनक दत्त खनाल, सह मालिक गृहेन्द्र घिमिरे र प्रशिक्षक ज्ञानेन्द्र मल्लले स्वागत गरेका थिए। सोमपाल कामी मार्की रहेको कर्णाली याक्सले […]
November 26, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल)को लागि फ्रेन्चाइज टोली सुदूरपश्चिम रोयल्सले सूर्य प्लाईसँग प्रायोजन सम्झौता गरेको छ । सुदूरपश्चिमले स्ट्रेन्थ पार्टनरको रुपमा सूर्य प्लाईको साथ पाएको हो । मंगलवार सवारागी प्लाईवुड इन्डस्ट्रिजका प्रबन्ध निर्देशक देव आनन्द सवारागी र सुदूरपश्चिमका प्रमुख कार्यकारी अधिकृत (सिइओ) प्रकाश खड्काले सम्झौतामा हस्ताक्षर गरेका हुन् । सम्झौतापछि सिइओ खड्काले […]
