1 day ago
November 12, 2024
काठमाडौं(हाम्रो खेलकुद) – पोखरा एभेन्जर्सले स्कटल्याण्डका क्रिकेटर माइकल लिस्कलाई टोलीमा अनुबन्ध गरेको छ ।
नेपाल प्रिमियर लिग (एनपिएल) को लागि पोखरा एभेन्जर्सले विदेशी खेलाडीका रूपमा लिस्कलाई भित्र्याएको हो । ३४ वर्षीय अलराउन्डर लिस्कले ८० वटा टि ट्वान्टी खेलेमा ८ सय ५९ रन तथा ४५ विकेट लिएका छन् ।
‘एनपिएल र पोखरा एभेन्जरसँग जोडिन पाउँदा अत्यन्तै खुसी छु। पोखराको टिम राम्रो बन्दै गइरहेको छ । हामी मैदानमा जोशिलो क्षण तय गर्न तत्पर छौँ,’ लिस्कले भने ।
पोखरा एभेन्जर्सका अध्यक्ष सुबोध त्रिपाठीले लिस्कको आगमनले पोखराको खेल प्रदर्शन अब्बल हुने बताए । नेपाली राष्ट्रिय टोलीका ओपनर कुशल भुर्तेल पोखराको मार्की खेलाडी हुन् ।
त्यस्तै टोलीमा नेपालबाट सागर ढकाल, आकाश चन्द, किरण कुमार ठगुन्ना, नारायण जोशी, बिपिन खत्री, दिलिप नाथ, तृत राज दास, सुनम गौतम, दिनेश खरेल र अमृत गुरुङ अक्सनमार्फत छनोट भएका छन्।
त्यस्तै आइपिएलमा चेन्नई सुपरकिङ्सका लागि ब्याटिङ र फिल्डिङ प्रशिक्षक रहेका राजिव कुमारलाई पोखराले मुख्य प्रशिक्षकका रुपमा अनुबन्ध गरिसकेको छ।
नेपाल क्रिकेट संघको आयोजनामा एनपिएल मंसिर १५ देखि पुस ६ गते सम्म आयोजना हुँदैछ।
November 13, 2024
एजेन्सी – तिलक बर्माको शतकको सहयोगमा पाहुना टोली भारतले दक्षिण अफ्रिकालाई तेस्रो टि ट्वान्टी आईमा २ सय २० रनको लक्ष्य दिएको छ । दक्षिण अफ्रिकाको सेन्चुरियनमा टस हारेर ब्याटिङको निम्तो पाएको पाहुनाले निर्धारित २० ओभरमा ६ विकेट गुमाएर २ सय १९ रन बनाएको हो । भारतका लागि तिलकले ५६ बलमा ८ चौका र ७ छक्काको […]
November 13, 2024
एजेन्सी – नेदरल्याण्ड्स ओमानसँग लगातार तेस्रो खेलमा पराजित भएको छ । नेदरल्याण्ड्स ओमानसँग केही दिन अघि भएको विश्व कप लिग टु को दुवै खेलमा पराजित भएको थियो । ३ वटा टि ट्वान्टी आई सिरिजको पहिलो खेलमा बुधवार ओमानले नेदरल्यान्ड्सलाई ८ विकेटले हरायो । योसँगै ओमानले टि ट्वान्टी आई सिरिजमा १-० को अग्रता लिएको छ । […]
November 13, 2024
काठमाडौं(हाम्रो खेलकुद) – यु १९ नेपाली महिला टोली विश्वकपका साथै यु १९ एसिया कपका लागि पनि छनोट भएको छ । युनाइटेड अरब इमिरेट्स(युएई) लाई बुधवार ८ विकेटले पराजित गर्दै नेपाल विश्वकपका लागि छनोट भएको थियो । विश्वकपका साथ नेपालले अर्को महिना एसिसीको आयाेजनामा हुन लागेको पहिलो संस्करणको यु १९ महिला एसिया कपका लागि समेत छनोट […]
