3 hours ago
November 6, 2024
काठमाडौं (हाम्रो खेलकुद)- कलाकार स्वस्तिमा खड्कालाई फेस अफ कर्णाली याक्सका रुपमा प्रस्तुत गरिएको छ ।
राजधानीमा बुधवार आयोजित कार्यक्रममा स्वस्तिमाले फेस अफ कर्णाली याक्सको रुपमा जोडिन पाउनुलाई सम्मानको रुपमा लिएको बताइन् । उनले समय क्रमसँगै खेलकुदलाई हेर्ने बुझाईमा फरक आएको जानकारी दिइन् ।
स्वस्तिमाले राष्ट्रिय महिला फुटबल टोलीकी फरवार्ड सावित्रा भण्डारी ‘साम्बा’ को बारेमा फ्रान्सेली नागरिकले तयार पारेको डकुमेन्ट्रीबाट आफूले खेलकुदको व्यापकतालाई अझै गहिरोसँग बुझेको प्रसंग उल्लेख गरिन् ।
‘त्यो डकुमेन्ट्रीमा फ्रान्सेली क्लबका प्रशिक्षकले साम्बाको आगमनपछि सामाजिक सन्जालमार्फत नेपाली भाषामा पनि लेखिन्छ भन्ने थाहा पाएको बताएपछि खेलकुदको माध्यमबाट विश्वव्यापी रुपमा त्यसले पार्ने सक्ने प्रभावका बारेमा बुझ्ने अवसर मिल्यो,’ उनले भनिन्, ‘त्यसैले पनि मैले कर्णाली याक्सको प्रस्तावलाई एकै पटकमा स्वीकार गरेकी हुँ।’
खेलकुदको समर्थक हुनका लागि प्राविधिक रुपमा जानकार नै हुनु नपर्ने आफूले समयक्रममा बुझेको पनि स्वस्तिमाले बताइन् ।
जुम्लाको अगल सम्यता, सस्कृति र पहिचानबाट आफू सधै प्रभावित रहेको जनाउँदै उनले मौकाका लागि कर्णाली याक्सलाई धन्यवाद दिइन् ।
कर्णाली याक्सका निर्देशक ज्ञानेन्द्र मल्लले स्वस्तिमालाई कर्णाली याक्सको हिस्सा भएकोमा स्वागत गर्दै धन्यवाद दिए।
कार्यक्रममा सुजन खनालको शब्द, संगित र स्वरमा तयार पारिएको कर्णाली याक्सको एन्थम संग पनि सार्वजनिक गरिएको थियो। कार्यक्रममा कर्णाली याक्सका मालिक जनकदत्त खनाल र सह मालिक गेहेन्द्र घिमिरेको उपस्थिति थियो।
नेपाल क्रिकेट संघ (क्यान) को आयोजनामा मंसिर १६ गते सुरु हुने नेपाल प्रिमियर लिग (एनपिएल) मा कर्णाली सहित ८ टोलीको सहभागिता छ।
November 6, 2024
काठमाडौं(हाम्रो खेलकुद) – युएईमा जारी यु १९ महिला विश्व कप छनोटको पहिलो खेलमा कप्तान पुजा महतोको अलराउन्ड प्रदर्शनमा नेपालले थाइल्यान्डलाई हराएको छ । बुधवारबाट सुरु प्रतियोगिताको पहिलो खेलमा नेपालले थाईल्यान्डमाथि ६७ रनको फराकिलो जित निकालेको हो । नेपालले दिएको १ सय ३ रनको लक्ष्य पछ्याएको थाईल्यान्ड ११.४ ओभरमा ३५ रनमा अलआउट भयो । थाईल्यान्डका ओपनर […]
November 6, 2024
काठमाडौं(हाम्रो खेलकुद) – युएईमा जारी यु १९ महिला विश्व कप छनोटको पहिलो खेलमा नेपालले थाइल्यान्डलाई १ सय ३ रनको लक्ष्य दिएको छ । युएईको अजमानमा टस हारेर पहिले ब्याटिङको निम्तो पाएको नेपालले निर्धारित २० ओभरमा ६ विकेट गुमाएर १ सय २ रनको योगफल तयार गर्यो । नेपालका लागि कप्तान पुजा महतोले ४० बलमा ३ चौका […]
November 6, 2024
काठमाडौं(हाम्रो खेलकुद) – सुदुरपश्चिम प्रदेश विराटनगरमा भएको नरेश श्रेष्ठ स्मृती यु १९ क्रिकेट प्रतियोगितामा लुम्बिनी प्रदेशलाई हराउँदै लगातार दोस्रो पटक च्याम्पियन भनेको छ । बुधवार भएको फाइनल खेलमा लुम्बिनी प्रदेशलाई ८ रनले पराजित गर्दै च्याम्पियन भएको हो । सुदूरपश्चिमले दिएको १ सय २८ रनको लक्ष्य पछ्याएको लुम्बिनीले ४३.१ ओभरमा अल आउट हुदै १ सय १९ […]
