3 weeks ago
November 6, 2024
एजेन्सी – इन्डियन प्रिमियर लिग(आइपिएल) २०२५ को मेगा अक्सनमा इङ्ग्ल्यान्डका क्रिकेटर बेन स्टोक्सले आफ्नो नाम दर्ता गराएका छैनन् ।
मेगा अक्सनका लागि १ हजार ५ सय ७४ खेलाडीले आफ्नो नाम दर्ता गराउँदा स्टोक्सले भने आफ्नो नाम दर्ता नगराएका हुन् । सन् २०२५ को आईपिएलको मेगा अक्सन साउदी अरेबियाको जेद्दाहमा मंसिर ९ र १० मा हुदैछ ।
स्टोक्सले आफ्नो नाम दर्ता नगर्दा हालसम्म आइपिएल नखेलेका इंग्ल्यान्डका तीव्र गतिका बलर जेम्स एन्डरसनले भने नाम दर्ता गराएका छन् । एन्डरसनले एक दशक अघि पछिल्लो टि ट्वान्टी खेल खेलेका थिए ।
एन्डरसनले आइपिएल अक्सनमा आफ्नो आधार मुल्य १ करोड २५ लाख भारुको राखेका छन् । एन्डरसनले केही महिना अघि अन्तर्राष्ट्रिय क्रिकेटबाट सन्यास लिएका थिए । त्यसपछि उनले इङ्ग्ल्यान्ड टोलीको बलिङ प्रशिक्षकको भूमिका निभाएका थिए ।
प्रत्येक फ्रेन्चाइजले अधिकतम २५ जनासम्म खेलाडीलाई अनुबन्ध गर्न सक्दछ । अक्सनबाट अधिकतम २ सय ४ खेलाडी मात्र बिक्री हुनेछन् । अक्सन अघि १० टिमले ४६ खेलाडीलाई रिटेन गरेका थिए ।
प्रत्येक टिमले आफ्नो टोली निर्माण गर्न कुल १ सय २० करोड भारु खर्च गर्न पाउने छन् । अक्सन अघि भएको खेलाडी रिटेनपछि कुन टिमसँग कति रकम बाँकी रहेको छ । तल हेर्न सक्नुहुन्छ :
आइपिएलले यस पटक टिमलाई ६ जनासम्म खेलाडी रिटेन गर्न मिल्ने नियम रहेको थियो । लिलामीअघि यी ६ खेलाडीलाई रिटेन गर्ने वा अक्सनमा राइट–टु–म्याच (आरटीएम) अप्सन प्रयोग गर्ने विकल्प हरेक टिमहरुसँग रहेको थियो ।
यदि कुनै खेलाडीलाई अर्को फ्रेन्चाइजले मेगा अक्सनमा किनेको छ । र, उनी आईपीएल २०२४ मा सहभागी भएको फ्रेन्चाइजले खेलाडीमाथिको बोलीको अन्त्यमा आरटीएम विकल्प प्रयोग गरेर खेलाडीलाई उच्चतम बोलीमा टिममा फर्काउन सक्नेछ ।
केवल दुई खेलाडीहरूलाई रिटेन गरेपछि, पञ्जावसँग अक्सनमा सबैभन्दा बढी ४ आरटीएम विकल्प रहने छ । तीन खेलाडी रिटेन गरेको बेंगलुरुसँग ३ र चार खेलाडी रिटेन गरेको दिल्ली क्यापिटल्ससँग २ आरटिएम विकल्प रहने छ ।
मुम्बई, चेन्नई, गुजरात, हैदराबाद र लखनउले समान ५ खेलाडीलाई रिटेन गरी एक मात्र आरटीएम विकल्प अक्सनका लागि राखेका छन् । राजस्थान र कोलकत्तासँग अक्सनमा आरटीएम विकल्प रहेको छैन ।
November 24, 2024
एजेन्सी – अफ्रिकी राष्ट्र आइभरी कोस्टले टि ट्वान्टी आई सबैभन्दा कम रनको कीर्तिमान बनाएको छ । आइतबार आइसिसी मेन्स टि ट्वान्टी विश्व कप अफ्रिका महादेश उप क्षेत्रीय छनोटमा आइभरी कोस्ट नाइजेरियाविरुद्ध ७ रनमा अल आउट भएको हो । एक इनिङमा ७ रनमा अल आउट हुदै आइभरी कोस्टले आइल अफ म्यान र मंगोलीयाले १० रनमा अल […]
November 24, 2024
एजेन्सी – घरेलु टोली जिम्बाब्वेले पाकिस्तानमाथि पहिलो ओडिआईमा जित हासिल गरेको छ । आइतवार भएको पहिलो ओडिआईमा जिम्बाब्वेले पाकिस्तानलाई डकवर्थ लुईस मेथडमा ८० रनले पराजित गरेको हो । जितसँगै तीन खेलको ओडिआई सिरिजमा जिम्बाब्वेले १-० को अग्रता बनाएको छ । जिम्बाब्वेले दिएको २ सय ६ रनको मध्यम लक्ष्य पछ्याउँदै ब्याटिङमा उत्रिएको पाकिस्तानले २१ ओभरमा ६ […]
November 24, 2024
काठमाडौं(हाम्रो खेलकुद) – ओमान राष्ट्रिय क्रिकेट टोलीका पूर्व कप्तान जिशान मक्शुदलाई कर्णाली याक्सले सिद्धार्थ बैंक नेपाल प्रिमियर लिग (एनपिएल) का लागि अनुबन्ध गरेको छ । आइतबार कर्णालीले विदेशी खेलाडीका रुपमा मक्शुदलाई टोलीमा अनुबन्ध गराएको सामाजिक संजाल मार्फत सार्वजनिक गरेको छ । विदेशी खेलाडीमा कर्णालीले पाकिस्तानका हुसैन तलत, हङकङका बाबर हायात, वेस्ट इन्डिजका चाडविक वाल्टन तथा […]
