डालस, (हाम्रो खेलकुद) – आईसीसी विश्वकप लिग-२ त्रिकोणात्मक सिरिजमा नेपालले सोमबार स्कटल्यान्डसँग खेल्ने खेल वर्षाको कारण प्रभावित हुने सम्भावना छ । खेल स्थानीय समय अनुसार बिहान साढे १० बजे (नेपाली राती १०ः१५) मा ग्राण्ड प्रेरी क्रिकेट रंगशालामा हुनेछ ।

सोमबार डालसको मौसम अमेरिकी समय बिहान १० बजे ६० प्रतिशत वर्षा हुनसक्ने सम्भावना छ । ११ बजे ८० प्रतिशत वर्षाको सम्भावना छ । त्यस्तै दिउँसो १२ बजे ९० प्रतिशतसम्म वर्षा हुनसक्ने देखिन्छ । दिउँसो १ बजे भने शतप्रतिशत वर्षाको सम्भावना छ । त्यसपछि भने विस्तारै घट्दै जानेछ ।

दिउँसो २ बजे ९० प्रतिशत, ३ बजे ८० प्रतिशत र ४ बजे ५० प्रतिशत वर्षाको सम्भावना छ । बिहान ११ देखि दिउँसो ३ बजेसम्म वर्षाको सम्भावना हुँदा खेल हुने सम्भावना कम देखिन्छ । उक्त समयमा खेल नहुँदा नतिजा आउन मुश्किल पर्छ । किनभने नतिजा निकाल्न दोस्रो टोलीले ओडीआईमा कम्तिमा २० ओभर खेलेको हुनुपर्छ । त्यो सम्भावना पनि कम छ । त्यसैले दुबै टोलीले १-१ बाड्न सक्ने सम्भावना देखिन्छ ।

स्कटल्यान्डलाई पहिलो खेलमा ५ विकेटले हराएको थियो । स्कटल्यान्डलाई हराउँदा नेपालले टस जितेर बलिङ गर्दै १५४ रनमा अल आउट गरेको थियो । दोसो खेलमा पनि टस महत्वपूर्ण हुनेछ । आइतबार डालसमा हल्ला वर्षा भएको थियो ।

नेपाल अमेरिकासँग ३ विकेट र ३७ रनले पराजित भएको थियो । नेपाल लिग २ मा ११ खेलमा २ मा जित, ८ खेलमा हार र १ खेल वर्षाको कारण रद्द हुँदा ५ अंकका साथ सातौं स्थानमाछ ।

१२-१२ खेलमा समान १६ अंक भएपनि नेटरनरेटका कारण अमेरिका पहिलो र क्यानडा दोस्रो स्थानमा छन् । ८ टोली सहभागी लिग २ का शीर्ष चार टोली २०२७ को सोझै एकदिवसीय विश्वकप छनोट खेल्न पाउनेछन् ।