एजेन्सी – इन्डियन प्रिमियर लिग (आइपिएल) को अघि हुने खेलाडी रिटेलमा दिल्ली क्यापिटल्सले कप्तान रिडभ पन्तलाई समावेश गरिएको छ ।

इएसपिएन क्रिकइन्फोका अनुसार दिल्लीको व्यवस्थापन र रिषभबीच सहमती हुन नसकेपछि उनी टोलीको रिटेन हुने खेलाडीको सुचीमा परेनन्।

दिल्लीले भारतीय स्पिनरद्वय अक्षर पटेल र कुलदीप यादव, विकेटकिपर ब्याटर अभिषेक पोरेल तथा दक्षिण अफ्रिकाका ब्याटर ट्रिस्टन स्टब्सलाई रिटेन गर्ने भएको छ ।

यसका साथै अक्सनमा दिल्लीसँग दुई राइट टु म्याच (आरटिएम) कार्डको विकल्प हुनेछन् । दिल्लीको व्यवस्थापनले आरटिएम कार्ड मार्फत रिषभलाई टिममा फिर्ताको प्रयास गर्नेछ ।

रिषभ सन् २०१६ को आइपिएलबाट दिल्लीमा फ्रेन्चाइजमा सामेल भएका थिए । २०२२ बाट टोलीको कप्तानी सम्हाल्नुका साथै प्रमुख खेलाडीको रुपमा रिषभ रहेका थिए ।

दिल्लीले अक्सन मार्फत रिषभलाई टोलीमा फिर्ता ल्याउन सकेन भने नयाँ कप्तानको विकल्प खोज्नुपर्ने छ। रिटेन्सनमा करिब ४७ करोड भारु खर्च गरेको दिल्लीसँग अक्सनका लागि करिब ७३ करोड भारु हुनेछ।

रिषभ, कुलदीप, अक्षर र पोरेल सबैलाई पछिल्लो पटक दिल्लीले रिटेन गरेको थियो । दिल्लीले २०२४ को अक्सनबाट स्टब्सलाई ५० लाख भारुमा किनेको थियो।

रिटेन्सनको औपचारिक जानकारी भने बिहीवार साँझ हुनेछ।