2 hours ago
October 27, 2024
काठमाडौं(हाम्रो खेलकुद) – विश्व कप लिग टू अन्तर्गतको त्रिदेशीय ओडिआई सिरिजमा नेपाल र अमेरिकाबीचको खेल आइतवार हुदैछ ।
खेल आइतवार नेपाली समयअनुसार बेलुका ९ः१५ मा टेक्सासस्थित ग्राण्ड प्रेरीमा हुदैछ । सिरिजमा नेपाल र घरेलु टोली अमेरिकाका अलावा स्कटल्याण्डको पनि सहभागीता रहेको छ ।
नेपालले २०२७ सम्म चल्ने विश्व कप लिग टूमा ९ वटा त्रिकोणात्मक सिरिज खेल्नेछ । यो नेपालको तेस्रो सिरिज हो । यस अघिका दुई सिरिजमा नेपालले ८ खेल खेलिसकेको छ । जसमा ६ मा हार, १ मा जित तथा १ खेल रद्द हुँदा ३ अंकका साथ सातौं स्थानमा छ ।
अमेरिका भने ९ खेलमा ६ जित र ३ हारका साथ तालिकामा १२ अंक सहित तालिकाको दोस्रो स्थानमा छ ।
नेपाल र अमेरिकाबीचको हेड टु हेड
नेपाल र अमेरिका हालसम्म ओडिआईमा ७ पटक आमने सामने भएका छन् । जसमा ४ खेलमा नेपालले जित हात पार्दा २ मा पराजित भएको छ । नेपाल र अमेरिकाबीचको १ खेल भने बराबरीमा सकिएको छ ।
नेपालले घरेलु भुमीमा अमेरिकाविरुद्ध खेलेको दुई खेलमा शतप्रतिशत जित निकालेको छ । अमेरिकाको घरेलु भुमीमा भने नेपालले १ खेलमा हार र १ मा बराबरीको नतिजा निकालेको थियो । तथस्ट भुमीमा भएको खेलमा भने नेपालले १ मा हार र २ मा जित निकालेको छ ।
नेपाल र अमेरिकाबीच भएको पछिल्लो खेलमा नेपालले जित हात पारेको थियो । जिम्बाब्वेमा गत वर्ष भएको खेलमा नेपालले अमेरिकालाई ६ विकेटले हराएको थियो । सो खेलमा अमेरिकाले दिएको २ सय ८ रनको लक्ष्य नेपालले ४३ ओभरमा ४ विकेट गुमाएर पूरा गरेको थियो ।
नेपालको खेल तालिका :
कार्तिक ११ – अमेरिकाविरुद्ध नेपाल, ग्राण्ड प्रेरी रंगशाला (बेलुका ९ : १५ नेपाली समय अनुसार )
कार्तिक १३ – नेपालविरुद्ध स्कटल्यान्ड, ग्राण्ड प्रेरी रंगशाला ( बेलुका ९ : १५ नेपाली समय अनुसार)
कार्तिक १७ – अमेरिकाविरुद्ध नेपाल, ग्राण्ड प्रेरी रंगशाला ( बेलुका ९ : १५ नेपाली समय अनुसार)
कार्तिक १९ – नेपालविरुद्ध स्कटल्यान्ड, ग्राण्ड प्रेरी रंगशाला ( बेलुका ९ : १५ नेपाली समय अनुसार)
नेपालको टोली :
आसिफ शेख, अनिल साह, कुशल भुर्तेल, भीम सार्की, रोहित पौडेल(कप्तान), कुशल मल्ल, आरिफ शेख, दीपेन्द्रसिंह ऐरी, गुल्सन झा, करण केसी, सोमपाल कामी, करण केसी, सन्दीप लामिछाने, ललित राजवंशी, अर्जुन साउद, देव खनाल (वैकल्पिक), सागर ढकाल (वैकल्पिक) ।
October 26, 2024
रुपन्देही (हाम्रो खेलकुद)- भारतको लाइफ केयर क्रिकेट क्लबले विपी कोइराला स्मृति कप टि-ट्वान्टी प्रतियोगिताको उपाधि जितेको छ। रुपन्देहीको भैरहवा स्थित सिद्धार्थ रंगशालामा शनिवार फाइनलमा लाइफ केयर क्रिकेट क्लबले नेपालको नेक्सस रुपन्देही एघारलाई २१ रनले पराजित गर्दै उपाधि जितेको हो। १ सय ६५ रनको लक्ष्य पाएको नेक्ससले २० ओभरमा सबै विकेट गुमाएर १ सय ४३ रन […]
October 26, 2024
एजेन्सी – भारतले १२ वर्ष पछि घरेलु भूमिमा भएको टेस्ट सिरिज गुमाएको छ । न्युजिल्याण्डसँगको दोस्रो टेस्टमा शनिवार तेस्रो दिनमा नै पराजित भएसँगै भारतले ३ टेस्टको सिरिज एक खेल अगावै गुमाएको हो । न्युजिल्याण्डले दोस्रो टेस्ट १ सय १३ रनको जितेको हो। ३ सय ५९ रनको लक्ष्य पछ्याएको भारत २ सय ४५ रन बनाउँदै […]
October 26, 2024
काठमाडौं (हाम्रो खेलकुद) – युवा तीव्र गतिका बलर विपिन महतोको ७ विकेटका बाबजुद कोशी प्रदेश नरेश स्मृती यू-१९ राष्ट्रिय क्रिकेट प्रतियोगितामा मधेश प्रदेशसँग २२ रनले पराजित भएको छ । शनिवारबाट विराटनगरमा सुरु प्रतियोगिता पहिलो खेलमा १ सय ८६ रनको लक्ष्य पछ्याएको कोशीले ४३ ओभरमा १ सय ६३ रन अल आउट भयो । कोशीका सोनु अन्सारीले […]