काठमाडौं(हाम्रो खेलकुद) – नामिबिया क्रिकेट टोलीका कप्तान जेहार्ड एरास्मसले काठमाडौं गुर्खाजबाट पहिलो संस्करणको नेपाल प्रिमियर लिग (एनपिएल) खेल्ने भएका छन् ।

काठमाडौंले दोस्रो विदेशी खेलाडीको रुपमा अलराउन्डर एरास्मसलाई टोलीमा अनुबन्ध गरेको शुक्रवार सामाजिक संजालमार्फत जनाएको छ ।

काठमाडौंले पहिलो विदेशी खेलाडीका रुपमा नेदरल्यान्ड्सका विस्फोटक ब्याटर माइकल लेभिटलाई अनुबन्ध गरेको थियो । २९ वर्षिय एरास्मसले हालसम्म नामिबियाका लागि ५२ ओडिआई तथा ६५ टि ट्वान्टी आई खेलेका छन् । हालसम्म टि ट्वान्टी आईमा एरास्मसले १ हजार ५ सय ५७ रन बनाउनुको साथै ५३ विकेट समेत लिएका छन् ।

नेपाली राष्ट्रिय क्रिकेट टोलीका अलराउन्डर करण केसी मार्की खेलाडी रहेको काठमाडौंमा वसन्त शाही ठकुरी मुख्य प्रशिक्षकको जिम्मेवारीमा छन् ।

नेपाल क्रिकेट संघ (क्यान) को आयोजनामा मंसिर १६ देखि पुस ६ गतेसम्म हुने एनपिएलमा ८ टोलीले प्रतिस्पर्धा गर्नेछन् । सहभागी ८ टोलीले समान ४ विदेशी खेलाडी अनुबन्ध गर्न पाउने छ । एरास्मस एनपिएलमा अनुबन्ध हुने १३औं विदेशी खेलाडी हुन् ।

विभिन्न टोलीमा आबद्ध भएका विदेशी खेलाडीयस प्रकार रहेका छन् :

पोखरा एभेन्लेजर्स : अमेरिकाका आन्द्रेस गौस, नेदरल्यान्ड्सका बास डि लिडे र वेस्ट इन्डिजका एन्डसन फिलिप,

कर्णाली याक्स : पाकिस्तानका हुसेन तलात

सुदूरपश्चिम रोयल्स : स्कटल्यान्डका अलराउन्डर ब्रान्डन मक्मलेन र इङ्ग्ल्यान्डका अलराउन्डर सेफ जेब

लुम्बिनी लायन्स : इङ्ग्ल्यान्डका विकेटकिपर ब्याटर टम मुर्स

काठमाडौं गुर्खाज : नेदरल्यान्ड्सका ब्याटर माइकल लेभिट

विराटनगर किंग्स : ओमानका कप्तान अकिब इल्यास

जनकपुर बोल्ट्स : जिमी निशम, अमेरिकाका क्रिकेटर जोशुवा ट्रम्प

चितवन राइनोज : दक्षिण अफ्रिकाका मार्चन्ट डे लांग

काठमाडौं गुखार्जको टिम

करण केसी, दिपेश कडेल, सुमित महर्जन, साहव आलम, शंकर राना, भीम सार्की, विवेक केसी, प्रतिक श्रेष्ठ, राजु रिजाल, राशिद खान, कृष्ण कार्की, माईकल लेभिट र जेरार्ड एरास्मस