9 hours ago
October 25, 2024
काठमाडौं (हाम्रो खेलकुद) – दक्षिण अफ्रिकाका लेजेन्ड क्रिकेटर जोन्टी रोड्स पोखरा एभेन्जर्सको मेन्टरमा नियुक्त भएका छन् ।
पोखराले शुक्रवार एक विज्ञप्ती जारी गर्दै जोन्टिलाई ३ वर्षको सम्झौतासहित टोलीमा आबद्ध गराएको बताएको छ । यससँगै उनी नेपाल प्रिमियर लिग(एनपिएल) मा जोडिने सबैभन्दा ठूलो विदेशी नाम हुन् ।
‘पूर्व दक्षिण अफ्रिकी क्रिकेटर रोड्सलाई एनपिएलमा पोखरामा परामर्शदाता र सल्लाहकारका रूपमा नियुक्त हुनु भएकोमा हामी खुसी छौं,’ पोखराका सञ्चालक मनोबल श्रेष्ठले भने ‘यसअघि भारतीय क्रिकेटर तथा कोच सन्दीप पाटिलले सम्हालेको भूमिका अब जोन्टीले निर्वाह गर्नेछन् ।’
यसअघि भएको नेपाल टि ट्वान्टीमा समेत सहभागी पोखराले सन्दीपलाई मेन्टरको भुमिकामा नियुक्त गरेको थियो ।
‘यस टिममा हुन पाउँदा म उत्साहित छु । म मेरो सीप र अनुभव मार्फत सम्पूर्ण खेलाडी र प्रमुख कोच राजिव कुमारलाई सहयोग गरेर टिमलाई बलियो बनाउन प्रयास गर्नेछु ’ पोखराको मेन्टरमा नियुक्त भएपछि रोड्सले भनेका छन् ।
रोड्स नोभेम्बरको पहिलो साता नेपाल आउने पोखराले जनाएको छ । रोड्सले विभिन्न राष्ट्रिय टिम र आइपीएलका विभिन्न टोलीमा रहेर प्रशिक्षण गराईसकेका छन् ।
कुशल भुर्तेल मार्की खेलाडी रहेको पोखराको प्रमुख प्रशिक्षकमा राजिव कुमार रहेका छन् ।
पोखरा एभेन्जर्सको टिम
कुशल भुर्तेल, सागर ढकाल, आकाश चन्द, किरण कुमार ठगुन्ना, नारायण जोशी, बिपिन खत्री, दिलिप नाथ, तृत राज दास, सुनम गौतम, दिनेश खरेल, अमृत गुरुङ, आन्द्रेस गौस, बास डि लिडे र एन्डरसन फिलिप ।
October 25, 2024
एजेन्सी – स्पिनरहरु चम्किएको भारत र न्युजिल्याण्डबीचको दोस्रो टेस्टको दोस्रो दिन १४ विकेट पतन भएको छ । भारतले पहिलो इनिङको ब्याटिङमा ९ तथा न्युजिल्याण्डले दोस्रो इनिङको ५ विकेट गरेर दिनमा १४ विकेट पतन भएको हो । १४ मध्ये १३ विकेट स्पिनरको नाममा रह्यो । न्युजिल्याण्डका स्पिनर मिचेल स्यान्टेनर एक्लै ७ विकेट लिदा भारत पहिलो इनिङमा […]
October 25, 2024
काठमाडौं(हाम्रो खेलकुद) – नामिबिया क्रिकेट टोलीका कप्तान जेहार्ड एरास्मसले काठमाडौं गुर्खाजबाट पहिलो संस्करणको नेपाल प्रिमियर लिग (एनपिएल) खेल्ने भएका छन् । काठमाडौंले दोस्रो विदेशी खेलाडीको रुपमा अलराउन्डर एरास्मसलाई टोलीमा अनुबन्ध गरेको शुक्रवार सामाजिक संजालमार्फत जनाएको छ । काठमाडौंले पहिलो विदेशी खेलाडीका रुपमा नेदरल्यान्ड्सका विस्फोटक ब्याटर माइकल लेभिटलाई अनुबन्ध गरेको थियो । २९ वर्षिय एरास्मसले हालसम्म […]
October 25, 2024
एजेन्सी – क्रिकेट अप्रत्याशित खेल हो । कुनै एक खेलाडीले छोटो समयमा नै खेलको दिशा बदल्न सक्छन् । हावी भएको टोली केही ओभरमै दबाबमा पनि फरक सक्छ । अष्ट्रेलियाको घरेलु क्रिकेटमा शुक्रबार त्यस्तै दृश्य देखियो । खेलमा मोमेन्टम पाएपछि बलर कति हावी हुन सक्छन् भन्ने पटक पटक देखेका छौं । शुक्रबार अस्ट्रेलियाको घरेलु ५० ओभरको […]