1 month ago
October 23, 2024
एजेन्सी – स्पेनिस टोली रियल मड्रिडले युइएफए च्याम्पियन्स लिगमा मंगलबार जर्मन क्लब बोरुसिया डर्टमन्डलाई पराजित गरेको छ ।
तेस्रो खेलमा दोस्रो जित निकाल्ने क्रममा रियलले ५-२ जित निकालेको छ । घरेलु मैदान सान्टियागो बर्नाबेउमा रियाललाई जित दिलाउन भिनिसियस जुनियरले ह्याट्रिक गर्दा एन्टोनियो रुडिगर र लुकास भास्क्वेजले समान १ गोल थपे । डर्टमन्डका लागि डोनिल मलेन र जिमी जिटेन्सले गोल गरे ।
खेलमा सुरुवाती अग्रता भने पाहुना टोलीले लिएको थियो । ३०औं मिनेटमा मलेनले गोल गरे । त्यसको ४ मिनेट मिनेटपछि नै जिटेन्सले डर्टमन्डको अग्रता दोब्बर बनाए ।
पहिलो हाफमा २-० ले पछि परेको रियलले दोस्रो हाफमा उत्कृष्ट पुनरागमन गर्यो । ६०औं मिनेटमा रियलका रुडिगरले गोल गर्दै खेललाई २-१ को स्थितीमा ल्याए ।
दुई मिनेटपछि नै भिनिसियसले गोल गर्दा रियल २-२ को बराबरीमा आयो । ८३औं मिनेटमा भास्क्वेजले रियलका लागि तेस्रो गोल गरे ।
भिनिसियसले ८६औं मिनेटमा व्यक्तिगत दोस्रो गोल गर्दा रियाल ४-२ ले अगाडि बढ्यो । इन्ज्युरी समयमा भिनिसियसले ह्याट्रिक पूरा गर्दै रियाललाई ५-२ को जित दिलाए ।
३ खेलमा ६ अंक जोडेको रियल नवौं स्थानमा छ । डर्टमन्ड समान खेलबाट ६ अंकका साथ पाचौं स्थानमा छ ।
November 25, 2024
एजेन्सी – भारतले पहिलो टेस्टमा अस्ट्रेलियालाई २ सय ९५ रनले पराजित गरेको छ। दोस्रो इनिङमा ५ सय ३४ रनको लक्ष्य पछ्याएको अस्ट्रेलियाले २ सय ३८ रन मात्र बनाउन सक्यो । चार दिन सोमवार सकिएको टेस्टमा भारतका लागि कप्तान जसप्रति बुमराह र मोहम्मद सिराजले समान ३ विकेट लिए । वासिङटन सुन्दरले २, हर्सित राणा र नितिशकुमार […]
November 25, 2024
सूर्य शुभचिन्तक,वीरगञ्ज नेपाली महिला यु १९ क्रिकेट टोलीकी सदस्य वीरगञ्जकी क्रिकेट खेलाडी साना प्रविणलाई वीरगञ्ज महानगरपालिकाले सम्मान गरेको छ । महानगरमै आइतवार आयोजित एक कार्यक्रमका बीचमा महानगरले उनलाई ५१ हजार रुपैयाँसहित सम्मान गरेको हो । साना प्रविणले हालै सम्पन्न यू–१९ टी–२० महिला एसिया क्वालिफायरमा थाइल्याण्डविरुद्धको खेलमा अर्धशतक प्रहार गर्दै नेपालको कीर्तिमानी साझेदारी गरेकी थिइन् । […]
November 25, 2024
काठमाडौं (हाम्रो खेलकुद)- प्रधानमन्त्री केपी शर्मा ओलीले यसै साता सुरु हुने सिद्धार्थ बैंक नेपाल प्रिमियर लिग (एनपिएल) को ट्रफी अनावरण गरेका छन्। सुन्धारा स्थित धरहरा परिसरमा सोमवार आयोजित कार्यक्रममा प्रधानमन्त्री ओलीले सहभागी ८ टोलीका मार्की खेलाडीका साथ ट्रफी अनावरण गरेका हुन्। ट्रफीमा कालापत्थरबाट ल्याइएको ढुंगा प्रयोग गरिएको नेपाल क्रिकेट संघ (क्यान) का सचिव पारस खड्काले […]
