default_image

5 months ago

October 22, 2024

लुम्बिनी लायन्सले क्रिकेट प्रतिभा खोज्ने

833 views

0 Bookmark

काठमाडौं (हाम्रो खेलकुद)- नेपाल प्रिमियर लिग (एनपीएल) टोली फ्रेन्चाइज क्लब लुम्बिनी लायन्सले क्रिकेटमा‌ ट्यालेन्ट हन्ट गर्ने भएको छ।

घरेलु प्रतिभालाई प्रोत्साहन गर्ने आफ्नो प्रतिबद्धता अनुरुप ४ नयाँ प्रतिभाको खोजी गर्न लागिएको लुम्बिनी लायन्सले जनाएको छ।

लुम्बिनीका छनोट भएका ४ खेलाडीबाट एक जनालाई‌ ‘सुपरस्टार’ को उपाधि दिइनेछ। सुपरस्टारले टोलीका लागि एनपिएल खेल्नेछन् भने १ लाख रुपैयाँ पनि‌ प्राप्त गर्नेछन्।

बाँकी ३ खेलाडीले ‘स्टार’ को उपाधि प्राप्त गर्नेछन् र उनीहरुलाई टोलीको प्रशिक्षणहरुमा सामेल गराइने लुम्बिनीले जनाएको छ।

लुम्बिनी लायन्सका मालिक इश्वर जिसिले भने, ‘यो अभियान अन्तर्गत हामीले लुम्बिनी प्रदेशका विभिन्न कुनाबाट क्रिकेटका उदीयमान खेलाडी खोज्न कोसिस गर्नेछौं ।’

ट्यालेन्ट हन्टमा समावेश हुन चाहनेले आवेदन दिनु पर्ने र त्यसका लागि लुम्बिनी लायन्सको आधिकारिक फेसबुक तथा इन्स्टाग्राम पेजमा गरिएको ट्यालेन्ट हन्टको पोस्टमा रहेको लिंकबाट आवेदन दिन सकिने बताइएको छ।

कोचिङ प्यानलले सबै सहभागीले पठाएका भिडियोको मुल्याङ्कनबाट आधारमा ट्रायलमा लागि खेलाडी छनोट गरिने लुम्बिनीले प्रेस विज्ञप्तिमार्फत जानकारी दिएको‌ छ। कात्तिक १८ गतेसम्म आवेदन बुझाइसक्नुपर्ने लुम्बिनीले जनाएको छ।

लुम्बिनीको‌ मार्की खेलाडी राष्ट्रिय क्रिकेट टोलीका कप्तान रोहितकुमार पौडेल हुन्। नेपाल क्रिकेट संघको आयोजनामा मंसिर १६ गते एनपिएल सुरु हुनेछ।

April 4, 2025

मुम्बईविरुद्ध लखनउको बलियो योगफल

एजेन्सी – लखनउ सुपर जायन्ट्सले इण्डियन प्रिमियर लिग (आइपिएल) मा मुम्बई इण्डियन्सविरुद्ध ८ विकेट गुमाएर २ सय ३ रनको बलियो योगफल तयार गरेको छ । अटल बिहारी वाजपेयी एकाना क्रिकेट स्टेडियममा घरेलु टोली लखनउले टस हारेर ब्याटिङको निम्तो पाएको थियो । लखनउका मिचेल मार्श र एडेन मारक्रमले अर्धशतक पूरा गरे । मार्शले ३१ बलमा ९ […]

April 4, 2025

मुम्बईले टस जित्यो

एजेन्सी – इण्डियन प्रिमियर लिग (आइपिएल) मा लखनउ सुपर जायन्ट्सकाविरुद्ध मुम्बई इण्डियन्सले टस जितेको छ । अटल बिहारी वाजपेयी ऐकना क्रिकेट स्टेडियममा पाहुना टोली मुम्बईका कप्तान हार्दिक पाण्ड्याले टस जितेर बलिङ रोजेका हुन् । मुम्बई पछिल्लो खेलमा कोलकाता नाइट राइडर्सलाई पराजित गरेर लखनउको घरेलु मैदानमा पुगेको छ । लखनउ पञ्जाब किंग्ससँग पराजित भएको थियो । […]

April 4, 2025

क्यानडाका कप्तान प्रहरी हिरासतमा

एजेन्सी – क्यानाडा क्रिकेट टोलीका कप्तान निकोलस किर्तनलाई बार्बाडोसमा प्रहरीले पक्राउ गरेको छ । नर्थ अमेरिकन कपको तयारीमा रहेका किर्तनलाई बार्बाडोस प्रहरीले गत आइतवार हिरासतमा लिएको बताइएको छ । ‘क्रिकेट क्यानडालाई राष्ट्रिय टोलीका खेलाडी निकोलस किर्टनमाथि लागेको आरोप र हिरासतबारे जानकारी गराइएको छ,’बोर्डले जारी गरेको विज्ञप्तिमा भनिएको छ, ‘ हामी स्थितिको निगरानी गरिरहेका छौं र […]

Success

Thank you for your time.