10 hours ago
October 22, 2024
एजेन्सी – न्युजिल्याण्डका पूर्व कप्तान केन विलियम्सनले भारतविरुद्धको दोस्रो पनि टेस्ट गुमाउने भएका छन् ।
३ टेस्टको सिरिजका लागि न्युजिल्याण्डको टोली भारत भ्रमणमा छ । पहिलो टेस्ट पाहुना टोलीले ८ विकेटले जित्दै सिरिजमा १-० काे अग्रता लिएको छ ।
गत महिना श्रीलंका भ्रमणका क्रममा घाइते भएका विलियम्सन भारतसँगको खेलमा टोलीमा रहेपनि न्युजिल्यान्डको टोलीसँग भारत गएनन् ।
आफ्नो रिह्याबिलिटेशनलाई निरन्तरता दिन उनी स्वदेशमै छन् । विलियम्सनको अनुपस्थितिमा विल योङले तेस्रो नम्बरमा ब्याटिङ गरेका थिए । बेंग्लोरमा भएको पहिलो टेस्टमा उनले पहिलो इनिङमा ३३ र दोस्रो इनिङमा अविजित ४८ रन बनाए ।
‘हामी केनलाई नियालिरहेका छौं र उनी सुधारान्मुख छन्, तर उनी शतप्रतिशत फिट छैनन् । हामी आशावादी छौं कि आगामी दिनमा थप सुधार हुनेछ र उनी तेस्रो टेस्टका लागि उपलब्ध हुनेछन् । हामी उनलाई तयार पार्न सकेसम्म धेरै समय दिनेछौं,’ न्युजिल्यान्डका प्रशिक्षक ग्यारी स्टिडले भने ।
पहिलो इनिङमा शतक र लक्ष्य पछ्याउने क्रममा अविजित ३९ रन बनाएका रचिन रविन्द्र प्लेयर अफ द म्याच घोषित भएका थिए । बलिङतर्फ म्याट हेनरीले आठ तथा विल ओरोर्केले ७ विकेट लिएका ।
घरेलु टोलीविरुद्धको दोस्रो टेस्ट खेल बिहीवार पुनेमा सुरु हुनेछ । न्युजिल्याण्ड टोली सोमवार साँझ पुने पुगेको छ ।
October 22, 2024
डालस, अमेरिका (हाम्रो खेलकुद) – क्यानडामा बिर्सनलयाक भ्रमणको एक सातामै नेपालले घरेलु टोली अमेरिकाविरुद्ध ग्राण्ड प्रेरी क्रिकेट रंगशाला डालसमा तीन खेलको टी-२० आई सिरिज क्लिन स्वीप गर्यो । अमेरिकालाई उसकै घरेलु मैदानमा हराउनु कुनै सामान्य प्रदर्शन होइन । अमेरिका गत जुनमा टी२० विश्वकपमा पाकिस्तानलाई स्तब्ध पारेर सुपर ८ मा पुगेको टोली थियो । अमेरिकाले अर्को […]
October 22, 2024
काठमाडौं (हाम्रो खेलकुद)- नेपाल प्रिमियर लिग (एनपीएल) टोली फ्रेन्चाइज क्लब लुम्बिनी लायन्सले क्रिकेटमा ट्यालेन्ट हन्ट गर्ने भएको छ। घरेलु प्रतिभालाई प्रोत्साहन गर्ने आफ्नो प्रतिबद्धता अनुरुप ४ नयाँ प्रतिभाको खोजी गर्न लागिएको लुम्बिनी लायन्सले जनाएको छ। लुम्बिनीका छनोट भएका ४ खेलाडीबाट एक जनालाई ‘सुपरस्टार’ को उपाधि दिइनेछ। सुपरस्टारले टोलीका लागि एनपिएल खेल्नेछन् भने १ लाख रुपैयाँ […]
October 22, 2024
काठमाडौं (हाम्रो खेलकुद) – १९औं संस्करणको द हङकङ क्रिकेट सिक्सेसमा खेल्ने नेपाली टोली घोषणा भएको छ । नेपाल क्रिकेट संघ (क्यान) ले मंगलवार सन्दीप जोराको कप्तानीमा ७ सदस्यीय टोलीको घोषणा गरेको हो । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्यान्ड एकै समूहमा छन् । टोलीमा प्रशिक्षकको जिम्मेवारी भने ज्ञानेन्द्र मल्ललाई दिइएको छ । कार्तिक […]