9 hours ago
October 19, 2024
काठमाडौं(हाम्रो खेलकुद) – स्कटल्यान्डका विष्फोटक ब्याटर जर्ज मुन्सेले अमेरिकामा हुने त्रिदेशीय ओडिआई सिरिज गुमाउने भएका छन् ।
स्कटल्यान्ड क्रिकेट बोर्डले शुक्रवार मुन्सेले सिरिज गुमाउने जानकारी गराएको हो । अमेरिकामा नेपाल, घरेलु टोली र स्कटल्यान्डबीच विश्व कप लिग टु अन्तर्गतको त्रिदेशीय ओडिआई सिरिज हुँदैछ । ओडिआई सिरिज कार्तिक ९ देखि १९ गतेसम्म खेलिनेछ ।
मुन्सेले ५९ ओडिआई खेलमा १ हजार ८ सय ९५ रन बनाएका छन् । मुन्सेले नेपालविरुद्धको ५ ओडिआई खेलमा १ सय २४ को स्ट्राईक रेटमा १ सय २६ रन बनाएका छन् ।
स्कटल्यान्ड क्रिकेट बोर्डले मुन्सेको स्थानमा माइकल इङ्ग्लिसलाई टोलीमा समेटेको छ । माइकलले १ ओडिआई मात्र खेलेका छन् । नामिबियाविरुद्धको ओडिआई डेब्यु खेलमा नै माइकलले शतक प्रहार गरेका थिए ।
सिरिजमा नेपालको पहिलो खेल कात्तिक ११ गते अमेरिकासँग तथा दोस्रो खेल कात्तिक १३ गते स्कटल्यान्डसँग हुनेछ । नेपालले तेस्रो खेलमा कात्तिक १७ गते अमेरिकासँग र चौथो तथा अन्तिम खेलमा कात्तिक १९ गते स्कटल्यान्डसँग प्रतिस्पर्धा खेल्नेछ ।
सिरिजको सबै खेल अमेरिकाको टेक्सासस्थित डालसमा रहेको ग्रान्ड प्रेरि स्टेडियममा हुनेछ। सबै खेल नेपाली समयअनुसार राति ९ः१५ बजे सुरु हुनेछ।
October 19, 2024
काठमाडौं(हाम्रो खेलकुद) – नेपाल अमेरिकाविरुद्धको टि ट्वान्टी आई सिरिज एक खेल अगावै आफ्नो पक्षमा पार्ने लक्ष्यका साथ घरेलु टोलीविरुद्ध मैदान उत्रदै छ । अमेरिकाको डालसमा रहेको ग्रान्ड प्रेरी स्टेडिममा हुने दोस्रो खेल नेपाली समय अनुसार आइतवार बिहान ५ः४५ बजे सुरु हुनेछ । जितको लयलाई निरन्तरता दिदै सिरिज एक खेल अगावै जित्ने लक्ष्यमा नेपाल रहनेछ । […]
October 18, 2024
एजेन्सी – वेस्ट इन्डिजलाई सेमिफाइनलमा पराजित गर्दै न्युजिल्यान्ड युएईमा जारी टि ट्वान्टी महिला विश्व कपको फाइनल प्रवेश गरेको छ । तेस्रो पटक फाइनलमा पुग्नका लागि न्युजिल्यान्डले शुक्रवार दोस्रो सेमिफाइनलमा वेस्ट इन्डिजलाई ८ रनले हरायो। यसअघि, न्युजिल्यान्डले सन् २००९ को पहिलो र २०१० को दोस्रो संस्करणमा फाइनलमा पुगेको थियो । सारजहामा १ सय २९ रनको लक्ष्य […]
October 18, 2024
एजेन्सी – रचिन रविन्द्रको शतक सहयोगमा पाहुना टोली न्युजिल्यान्डले भारतविरुद्ध पहिलो टेस्टको पहिलो इनिङमा फराकिलो अग्रता कायम गरेको छ । ३ टेस्ट सिरिजका लागि भारत भ्रमणमा रहेको न्युजिल्यान्डले पहिलो इनिङमा ३ सय ५६ रनको अग्रता लिएको हो । वर्षाका कारण पहिलो दिनको खेल पूर्ण रुपले प्रभावित भएकोले दोस्रो दिन बिहीवार मात्र टस सम्भव भएको थियो […]