2 hours ago
October 18, 2024
एजेन्सी – घरेलु टोली श्रीलंकाले वेस्ट इन्डिजविरुद्धको टि ट्वान्टी सिरिजमा जित हासिल गरेको छ ।
श्रीलंकाको दाम्बुलामा बिहीवार भएको तेस्रो तथा निर्णायक खेलमा वेस्ट इन्डिजमाथि ९ विकेटको सानदार जित दर्ता गर्दै घरेलु टोलीले सिरिजमा जित हात पारेको हो । तीन खेलको टि ट्वान्टी सिरिज घरेलु टोलीले २-१ ले जित हात पायो ।
पाहुना टोलीले दिएको १ सय ६३ रनको लक्ष्य घरेलु टोलीले १८ ओभरमा १ विकेट गुमाएर पूरा गर्यो । घरेलु टोलीको जितमा कुशल परेरा र कुशल मेन्डिसले अर्धशतकीय ईनिङ खेले । मेन्डिसले ५० बलमा ५ चौका र ३ छक्काको सहयोगमा नट आउट ६८ तथा परेराले ३६ बलमा ७ चौकाको सहयोगमा ५५ रन जोडे ।
ओपनर पथुम निसंकाले २२ बलमा ३९ रन जोडे । पाहुना टोलीका लागि गुणकेश मोटीले १ विकेट लिए ।
त्यसअघि टस जितेर पहिलो ब्याटिङ गरेको पाहुना टोलीले २० ओभरमा ८ विकेट गुमाएर १ सय ६२ रन बनाएको थियो । पाहुना टोलीका लागि कप्तान रोभमेन पावेलले २७ बलमा ३७, गुणकेश मोटीले १५ बलमा ३२, ओपनर ब्रान्डन किंगले १९ बलमा २३ तथा रोमारियो शेफर्ड र शाई होपले समान १८ रन जोडेका थिए ।
घरेलु टोलीका लागि महेश तिक्सेना र वानिन्दु हसरंगाले समान २, नुवान तुषारा, कमिन्डु मेन्डिस, चरिथ असलंका र मथिशा पथिरानाले समान १ विकेट लिए । पहिलो खेलमा हार बेहोरेको घरेलु टोलीले त्यसपछिका दुवै खेल जित्दै सिरिज जितेको हो ।
दुई टोलीबीच आइतवारबाट तीन खेलको ओडिआई सिरिज हुनेछ ।
October 18, 2024
काठमाडौं(हाम्रो खेलकुद) – नेपाली टोलीका अलराउन्डर दीपेन्द्रसिंह ऐरी अमेरिकाविरुद्धको पहिलो टि ट्वान्टी खेलमा प्लेयर अफ द म्याच घोषित भएका छन् । अमेरिकाको टेक्सास स्थित ग्रान्ड प्रेरी क्रिकेट स्टेडियममा घरेलु टोलीलाई पराजित गर्न सानदार प्रदर्शन गरेका दीपेन्द्र म्यान अफ द म्याच भएका हुन् । ऐरीले अमेरिकाविरुद्धको खेलमा ब्याटिङ तर्फ १७ बलमा २ चौका र १ छक्काको […]
October 18, 2024
काठमाडौं (हाम्रो खेलकुद) – दीपेन्द्रसिंह ऐरीको अलराउन्ड प्रदर्शनमा अमेरिकाविरुद्धको पहिलो टि ट्वान्टीमा नेपालले जित हासिल गरेको छ । डालसस्थित ग्रान्ड प्रेरीमा भएको पहिलो टि ट्वान्टी आई खेलमा नेपालले अमेरिकामाथि १७ रनको जित हात पार्यो । यो जितसँगै नेपालले अमेरिकाविरुद्धको ३ खेलको टि ट्वान्टी आई सिरिजमा १-० को अग्रता बनाएको छ । दीपेन्द्रले ब्याटिङतर्फ १७ बलमा […]
October 18, 2024
काठमाडौं(हाम्रो खेलकुद) – नेपालले अमेरिकाका दुवै ओपनरलाई आउट गराएको छ । अमेरिकाको डालसस्थित ग्रान्ड प्रेरी क्रिकेट स्टेडियममा जारी खेलमा अमेरिकाका दुवै ओपनर आउट भएका हुन् । पहिलो विकेटका रुपमा ओपनर साइतेजा मुककामल्ला करण केसीको बलमा कप्तान रोहितकुमार पौडेलबाट समातिए । उनी दोस्रो ओभरको पाँचौ बलमा २ रन बनाउँदै आउट भएका थिए । पहिलो विकेटका लागि […]