काठमाडौं(हाम्रो खेलकुद) – नेपाल प्रिमियर लिग (एनपिएल) को टोली पोखरा एभेन्जर्सले अमेरिकी क्रिकेटर आन्द्रेस गौसलाई टोलीमा भित्र्याएको छ ।

पोखराले पहिलो विदेशी खेलाडीको रुपमा गौसलाई टोलीमा अनुबन्ध गरेको हो । गौसले अमेरीकाका लागि २० टि ट्वान्टी आईमा ५ सय ९८ रन बनाएका छन् । एनपिएलमा सहभागी ८ टोलीले समान ४ का दरले विदेशी खेलाडी अनुबन्ध गर्न पाउने छ । गौस एनपिएलमा अनुबन्ध हुने पहिलो विदेशी खेलाडी हुन् ।

गत साताको आइतबार नेपाली खेलाडी छनोटका लागि भएको अक्सनमा पोखरा लगायत टोलीले समान १० खेलाडी अनुबन्ध गरेको छ । ३० वर्षिय गौसले खुसी व्यक्त गर्दै भिडियो सन्देश पठाएका छन् । उनले आफु पहिलो पटक नेपाल आउन लागेको र नेपालमा खेल्न उत्साहित रहेको बताएका छन् ।

गौसलाई वेस्टइन्डिजको क्यारेबियन प्रिमियर लिग(सिपीएल), ग्लोबल टि ट्वान्टी क्यानडा, मेजर लिग क्रिकेट, इन्टरनेशनल लिग टि ट्वान्टी लिग खेलेको अनुभव छ ।

यो वर्ष अमेरिका र वेस्टइन्डिजमा आयोजना भएको टि ट्वान्टी विश्वकपमा गौस अमेरिकाको लागि सर्वाधिक रन जोड्ने खेलाडी रहेका थिए । उनले ६ खेलमा १५१.०३ को स्ट्राइट रेटमा २ सय १९ रन बनाएका थिए । प्रतियोगितामा गौसले दुई अर्धशतक समेत बनाएका थिए । अमेरिकाले सुपर ८ मा प्रवेश गर्दै ऐतिहासिक नतिजा निकालेको थियो ।

पोखरा एभेन्जर्स टिम:

कुशल भुर्तेल, सागर ढकाल, आकाश चन्द, किरण कुमार ठगुन्ना, नारायण जोशी, बिपिन खत्री, दिलिप नाथ, तृत राज दास, सुनम गौतम, दिनेश खरेल, अमृत गुरुङ