2 hours ago
October 15, 2024
काठमाडौं (हाम्रो खेलकुद)- नेपाल क्रिकेट संघ (क्यान) आयोजना गर्ने नेपाल प्रिमियर लिग (एनपिएल) सुरु हुन अब डेढ महिना बाँकी छ।
मंसिर १६ गते सुरु हुने एनपिएलका लागि ८ टोलीको घोषणा, मार्की खेलाडी र नेपाली खेलाडीको अक्सन सकिसकेको छ । कतिपय टोलीले प्रशिक्षक नियुक्त गरिसकेका छन्।
यस्तोमा राष्ट्रिय क्रिकेट टोलीका पूर्व खेलाडी आमिर अख्तरले नेपाल प्रिमियर लिग प्रालि आफ्नो नाममा कम्पनी रजिष्ट्रार कार्यालयमा दर्ता रहेको दाबी गर्दै मंगलवार क्यानलाई पत्र लेखेका छन्।
उनले आफ्नो नाममा कम्पनी दर्ता भएको बताउँदै त्यसको नामसारी गर्न क्यानलाई पत्राचार गरेका छन्।
अख्तरले एनपिएल क्यानले गराउनु कानुनविपरीत भएको पनि दाबी गरेका छन्।
आफू र क्यानबीच आपसी सहमति र सम्झौतामा एनपिएल गर्न अनुरोध गर्दै अख्तरले सात दिनभित्र आवश्यक प्रक्रिया पुर्याएर एनपिएल क्यानको नाममा नामसारी गर्न अल्टिमेटम पनि दिएका थिए।
अख्तरले सन् २०१४ मा धनगढीमा एनपिएल गराएका थिए । तर त्यो विवादरहित रहेन । क्यान आफैले लिग गर्नुपर्ने आवाज उठेपछि अख्तरले एभरेस्ट प्रिमियर लिग (इपिएल) को नाममा अर्को लिग आयोजना गरेका थिए।
यद्यपि क्यानले अख्तरको दाबीलाई हास्यास्पद बताएको छ। क्यानका प्रवक्ता छुम्बी लामाले कम्पनीको रजिस्टरमा दर्ता भएको एउटा कम्पनीले नेपालभित्र क्रिकेट गतिविधि सञ्चालन गर्ने अधिकार भएको क्यानसँग नाम मिलेको दाबी गर्न सक्दैन ।
‘नेपालमा हुने क्रिकेट गतिविधि सञ्चालनको अधिकार क्यानमा छ। कुन नाममा कस्तो खालको प्रतियोगिताको गर्ने अधिकार क्यानको हो,’ लामाले भने, ‘ एनपिएल क्यानले आयोजना गर्ने भएकाले कम्पनीमा दर्ता गर्नु पर्दैन। क्यान आइसिसीको एसोसिएट सदस्य, एसिसीको सदस्य, नेपाल सरकार, खेलकुद मन्त्रालयअन्तर्गत राष्ट्रिय खेलकुद परिषदमा दर्ता भएको नेपालको क्रिकेट विकासको नियमनकारी संस्था हो। एनपिएलका सबै गतिविधि क्यानअन्तर्गत हुने भएकाले कम्पनीमा दर्ता गर्नु पर्दैन। नाम मिल्नु र प्रतियोगिता आयोजनाको अधिकार राख्नु फरक विषय हो।’
लामाले एनपिएलको ट्रेडमार्क क्यानको नाममा रहेको बताएका छन्। अख्तरले उठाएको विषयमा कुनै ठोस तर्क नरहेको जनाउँदै लामाले क्यानले यसमा छलफल भने गर्ने बताएका छन्।
October 15, 2024
एजेन्सी – कमरान गुलामले टेस्ट डेब्यु खेलमा नै शतक प्रहार गरेपछि पाकिस्तानले इङ्ग्ल्यान्डविरुद्धको दोस्रो टेस्टमा मध्यम सुरुवात गरेको छ । तीन खेलको टेस्ट सिरिजका लागि इङ्ग्ल्यान्डको टोली पाकिस्तान भ्रमणमा छ । पाकिस्तानको मुल्तान क्रिकेट स्टेडियममा टस जितेर ब्याटिङ रोजेको घरेलु टोलीले पहिलो दिनको खेल सकिदा पाकिस्तानले ५ विकेट गुमाएर २ सय ५९ रन जोडेको हो […]
October 15, 2024
काठमाडौं (हाम्रो खेलकुद) – नेपाल प्रिमियर लिग (एनपिएल) टोली जनकपुर बोल्ट्सले पुबुदु दासानायकेलाई मुख्य प्रशिक्षकमा नियुक्त गरेको छ । जनकपुरले मंगलवार सामाजिक संजाल मार्फत पुबुदुलाई मुख्य प्रशिक्षकको जिम्मेवारी दिइएको जानकारी गराएको हो । पुबुदु नेपाली राष्ट्रिय क्रिकेट टोलीका पूर्व मुख्य प्रशिक्षक हुन् । पुबुदुको प्रशिक्षणमा नेपाली टोली पहिलो पटक सन् २०१४ मा विश्वकपमा सहभागी भएको […]
October 15, 2024
एजेन्सी – न्युजिल्यान्ड युएईमा जारी महिला टि ट्वान्टी विश्वकपको सेमिफाइनल प्रवेश गरेको छ । समूह ए को आफ्नो अन्तिम खेलमा पाकिस्तानलाई ५४ रनले पराजित गर्दै न्युजिल्यान्डले सेमिफाइनलमा स्थान बनाएको हो । सोमवार दुबईमा भएको खेलमा १ सय ११ रनको लक्ष्य पछ्याएको पाकिस्तान ११.४ ओभरमा ५६ रन बनाउँदै अल आउट भयो । पाकिस्तानका लागि कप्तान फतिमा […]