काठमाडौं(हाम्रो खेलकुद) – महिला यु १९ टि ट्वान्टी विश्वकपको एसिया छनोटको तयारीमा रहेको नेपाली टोलीको तेस्रो चरणमा १८ खेलाडी छनोट भएका छन् । दोस्रो चरणको छनोटमा रहेका २ खेलाडी तेस्रो चरणको बन्द प्रशिक्षणमा परेनन् ।

नेपाल क्रिकेट संघ (क्यान) ले सोमवार तेस्रो चरण छनोट गरेको हो । क्यानले एसिया छनोटका लागि भदौ २६ गते २९ सदस्यीय खेलाडीलाई प्रशिक्षणमा डाकेको थियो । क्यानले भदौ १८ मा दोस्रो चरणमा २० सदस्यीय टोली छनोट गरेको थियो ।

तेस्रो चरणको बन्द प्रशिक्षण मंगलवार भैरहवामा हुनेछ ।

खेलतालिका अनुसार नेपालको पहिलो खेल कात्तिक २१ गते थाईल्यान्डसॅंग र दोस्रो खेलमा कात्तिक २२ गते कुवेतसॅंग छ । कात्तिक २४ गते घरेलु टोलीसॅंग खेल्ने नेपालको चौथो खेलमा कात्तिक २५ गते थाइल्यान्डसॅंग हुनेछ ।

पाँचौं खेलमा कात्तिक २७ गते कुवेतसॅंग खेल्ने नेपालको‌ अन्तिम खेलमा कार्तिक २८ मा युएईसॅंग रहेको छ । ४ टोली सहभागी रहने छनोटको शीर्ष टोली विश्वकपका लागि छनोट हुनेछ । विश्वकप अर्को वर्ष मलेसियामा आयोजना हुँदैछ ।

दोस्रो चरणमा छनोट खेलाडी

सोनी पाख्रिन, मनिशा उपाध्याय, कृष्मा गुरुङ, साना प्रविन, स्नेहा महरा, साबित्रा धामी, रन्जु श्रेष्ठ, किरन कुमारी कुँवर, तृषना विक, रिया शर्मा, अलिशा कुमारी यादव, भवानी कामती, पूजा महतो, कुसुम गोदार, सिमाना केसी, ज्योत्सिका मरासिनी, रचना चौधरी, आश्मा पुलामी मगर