एजेन्सी – श्रीलंकासँगको पहिलो टि ट्वान्टी आईमा वेस्ट इन्डिजले सानदार जित हासिल गरेको छ । वेस्ट इन्डिजले आइतवार घरेलु टोली‌ श्रीलंकामाथि ५ विकेटको जित निकालेको हो ।

वेस्ट इन्डिजले ३ टि ट्वान्टी सिरिजमा १-० को अग्रता बनाएको छ । दाम्बुलामा भएको खेलमा १ सय ८० रनको लक्ष्य पाहुना टोलीले १९.१ ओभरमा ५ विकेट गुमाएर पूरा गर्यो । वेस्ट इन्डिजका ओपनरद्वय ब्रान्डन किंग र इभेन लुईसले अर्धशतकका साथ बलियो सुरुवात दिएका थिए ।

पहिलो विकेटका लागि किंग र लुईसले १ सय ७ रनको साझेदारी गरेका थिए । किंगले ३३ बलमा ११ चौका र १ छक्कासहित ६३ ता लुईसले २८ बलमा ५ चौका र ४ छक्काको सहयोगमा ५० रन बनाएका थिए । रोस्टन चेसले १६ बलमा १९, शरफन रादरफोर्डले १२ बलमा नट आउट १४ तथा कप्तान रोभमेन पावेलले १८ बलमा १३ रन जोडेका थिए।

श्रीलंकाका माथिसा पथिरानाले २ तथा महेश थिक्सेना, वानिन्दु हसरंगा र कमिन्डु मेन्डिसले समान १ विकेट लिए । त्यसअघि टस हारेर पहिले ब्याटिङ निम्तो पाएको घरेलु टोलीले २० ओभरमा ७ विकेट गुमाएर १ सय ७९ रन बनाएको थियो ।

कमिन्डु मेन्डि र कप्तान चरिथ असलंकाले अर्धशतकीय इनिङ खेले पनि जित हात पार्न भने सकेनन् । असलंकाले ३५ बलमा ९ चौकाको सहयोगमा ५९ तथा मेन्डिसले ४० बलमा ५१ रन जोडेका । कुशल मेन्डिसले १६ बलमा १९, भानुका राजापाक्षेले ११ बलमा १७ तथा ओपनर पथु निशंकाले १० बलमा ११ रन बनाएका थिए।

वेस्ट इन्डिजका रोमारियो शेफर्डले २ तथा अल्जारी जोसेफ, शेमार जोसेफ, गुणकेश मोटी र शेमार स्मिरिङले समान १ विकेट लिएका थिए। दुईबीचको दोस्रो टि ट्वान्टी खेल मंगलवार रहेको छ ।