क्यानडाले जित्यो टि ट्वान्टी सिरिज

एजेन्सी – घरेलु टोलीले क्यानडा टि ट्वान्टी त्रिकोणात्मक सिरिज जितेको छ ।

ओमानलाई बिहीवार ५ विकेटले हराउँदै क्यानडा च्याम्पियन बनेको हो । नेपाल पनि सहभागी यस सिरिजमा शिर्ष स्थानमा रहँदै क्यानडाले उपाधि जितेको हो । क्यानडाले सिरिजमा खेलेका ४ मध्ये ३ खेल जितेको थियो ।

क्यानडाले सिरिजमा नेपालसँगको दुवै खेलमा जित हासिल गरेको थियो । ओमानसँगको पहिलो खेलमा भने क्यानडा पराजित भएको थियो । अन्तिम खेलमा ओमानलाई पराजित गरेपछि क्यानडा ६ अंकसहित शीर्ष स्थानमा रहेर विजेता बनेको हो ।

२ खेलमा ओमानलाई हराएको नेपालले ४ अंकका साथ दोस्रो स्थानमा रह्यो । पहिलो खेलमा क्यानडालाई हराएको ओमानले भने अंक तालिकाको पुछारमा रह्यो ।

अन्तिम खेलमा ओमानले दिएको ८३ रनको सामान्य लक्ष्य क्यानडाले १४.१ ओभरमा ५ विकेट गुमाएर पूरा गरेको थियो।