3 hours ago
October 2, 2024
काठमाडौं(हाम्रो खेलकुद) – नेपाल प्रिमियर लिग(एनपिएल) को पहिलो संस्करणका लागि हुने अक्सनमा १ सय ४२ खेलाडी सहभागी हुने भएका छन् ।
नेपाल क्रिकेट संघ(क्यान) ले बुधवार अक्सनमा सहभागी हुने खेलाडीको सुची सार्वजनिक गरेको हो ।
क्यानले असोज ५ गते देखि असोज १२ सम्म खेलाडीलाई नाम दर्ता गर्न आह्वान गरेको थियो । एक साताको अवधीमा कुल ४ सय २६ नेपाली खेलाडीले अक्सनको लागि आफ्नो नाम दर्ता गराएका थिए ।
नाम दर्ता गराएका खेलाडीहरुलाई क्यानले सर्ट लिस्ट गरि १ सय ४२ खेलाडीको अन्तिम सुची प्रकाशित गरेको हो । जसमा क्याटागोरी ‘ए ‘ २७, ‘बी’मा ३८ र ‘सी’ मा ७७ जना खेलाडी समावेश छन् ।
तर, ४ सय २६ जनामा रहेका मध्ये कुनै खेलाडीलाई लिगमा सहभागी ८ टिमले राख्न चाहेमा शुक्रवारसम्ममा अधिकतम ३ खेलाडीको नाम बुझाउन सक्ने क्यानका प्रवक्ता छुम्बी लामाले बताए ।
लामाले भने, ‘क्यानको केन्द्रीय सम्झौतामा रहेका, हाल प्रदेशबाट खेल्ने र विभिन्न समयमा प्रदेश टोलीलाई प्रतिनिधित्व गरेका खेलाडीहरुलाई एनपिएल आयोजक समिति र क्यान अन्तर्गतको प्राविधिक समितीले छनोट गरि अन्तिम १ सय ४२ खेलाडीको सुची तयार गरेको हो।’
प्रतियोगितामा सहभागी हुने नेपाली खेलाडीहरुको अक्सन आइतवार काठमाडौंमा हुनेछ । लिगमा सहभागी रहने विदेशी खेलाडी भने टिमले सिधै अनुबन्ध गर्न पाउनेछ । ८ टोली सहभागी रहने एनपिएल मंसिर १५ देखि पुस ६ गतेसम्म आयोजना हुनेछ ।
October 2, 2024
काठमाडौं(हाम्रो खेलकुद) – क्यानडा टी ट्वान्टी सिरिजको आफ्नो अन्तिम खेलमा ओमानविरुद्ध नेपालले टस हारेको छ । ओमानका कप्तान अकिब इल्यासले टस जितेर बलिङ रोजे पछि नेपालले पहिला ब्याटिङ गर्दै छ । उपाधि सम्भावना कायमै राख्न जित्नै पर्ने दबाबमा रहेको नेपाल र ओमानबीचको खेल किंग सिटीमा हुँदैछ । ३ देशले एकआपससँग समान २ खेल खेलेपछि शीर्ष […]
October 2, 2024
काठमाडौं (हाम्रो खेलकुद) – नेपाल प्रिमियर लिग (एनपिएल) टोली चितवन राइनोजले उमेश पटवाललाई प्रमुख प्रशिक्षक र निर्देशक नियुक्त गरेको छ। चितवनले बुधवार सामाजिक संजाल मार्फत पटवाललाई मुख्य प्रशिक्षकको जिम्मेवारी दिइएको जानकारी गराएको हो । पटवाल नेपाली राष्ट्रिय क्रिकेट टोलीका पूर्व मुख्य प्रशिक्षक हुन् । चितवनले पटवाललाई मुख्य प्रशिक्षकका रुपमा भित्राउन पाउँदा खुसी लागेको बताएको छ […]
October 2, 2024
काठमाडौं(हाम्रो खेलकुद) – क्यानडामा जारी त्रिकोणात्मक टि ट्वान्टी सिरिजको आफ्नो अन्तिम खेलमा नेपाल ओमानसँग खेल्दैछ । उपाधि सम्भावना कायमै राख्न जित्नै पर्ने दबाबमा रहेको नेपाल र ओमानबीचको खेल किंग सिटीमा नेपाली समय अनुसार बेलुका ९ः४५ बजे सुरु हुदैछ । ३ देशले एकआपससँग समान २ खेल खेलेपछि शीर्ष स्थानमा रहने टोलीले उपाधि जित्ने छ । नेपाल […]