एजेन्सी – अमेरिकाले टि ट्वान्टी आईमा युएईमाथि पहिलो पटक जित हासिल गरेको छ । नामिबियामा जारी त्रिकोणात्मक टि ट्वान्टी सिरिजमा अमेरिकाले युएईलाई १५ रनले हराएको हो ।

यसअघि भएको दुई भेटमा भने १ खेल युएईले जित्दा १ मा बराबरी भएको थियो । १ सय ७६ रनको लक्ष्य पछ्याएको युएईले २० ओभरमा ८ विकेट गुमाएर १ सय ६० रन मात्र बनाउन सक्यो ।

टोलीका बासिल हमिदले २६ बलमा ३ चौका र २ छक्काको सहयोगमा नट आउट ४४ रन जोडे । बिष्नु सुकुमारनले २२ बलमा ७ चौकाको सहयोगमा ३६ तथा अलिशान सरफुले १२ बलमा २१ रन बनाए ।

मोहम्मद फारुकीले १८ तथा आसिफ खानले १६ रन जोड्दा अन्य खेलाडीले दोहोरो अंकमा रन बनाउँन सकेनन् ।

अमेरिकाका लागि अषिशेक पदारकारले ३, नोस्तुश केन्जिके र हरमित सिंहले समान २ तथा जसदिप सिंहले १ विकेट लिए ।

त्यसअघि टस जितेर पहिले ब्याटिङ गरेको अमेरिकाले निर्धारित २० ओभरमा ९ विकेट गुमाएर १ सय ७५ रनको योगफल तयार गरेको थियो ।

अमेरिकाका लागि ओपनर साईतेजा मुककामल्लाले ५४ बलमा ७ चौका र ४ छक्काको सहयोगमा सर्वाधिक ८५ रन बनाए ।

शायन जाहाँगिरले १९, आन्द्रेस गौसले १७ तथा स्मिथ पटेलले ११ रन बनाउँनु बाहेक अन्य ब्याटरले दोहोरो अंकमा रन बनाउँन सकेनन् ।

युएईका लागि अलि नासिरले ४, मोहम्मद जगदुल्लाले २ तथा बासिल हमिद, जुनैद सिद्धिकी र आयान खानले समान १ विकेट लिए ।

जित पछि तीन टोली सम्मिलीत टि ट्वान्टी सिरिजमा अमेरिका शीर्ष स्थानमा उक्लिएको छ । २ खेल खेलेको युएई दोस्रो स्थानमा छ । आइतवार युएईले नामिबियालाई पराजित गरेको थियो ।